ମନୋରଞ୍ଜନ
ଓଡ଼ିଶା
ଗାଧେଇବା ସମୟରେ ପୋଖରୀରେ ବୁଡି ନାବାଳକ ମୃତ
ଶୁକୃଳି/ମୟୁରଭଞ୍ଜ : ମୟୁରଭଞ୍ଜ ଜିଲ୍ଲା ଶୁକୃଳି ବ୍ଲକ ରରୁଆଁ ଥାନା ଅନ୍ତର୍ଗତ ମହୁଲିଆଶୁଲି ଗାଁରେ ଘଟିଛି ଏକ ଅଭାବନୀୟ ଘଟଣା । ପୋଖରୀରେ ଗାଧୋଇବା ସମୟରେ ପାଣିରେ ବୁଡି ଜଣେ ନାବାଳକର ମୃତ୍ୟୁ ହୋଇଛି । ସୂଚନା ଅନୁସାରେ, ଶୁକୃଳି ବ୍ଲକର ଉପାଧ୍ୟକ୍ଷ ପଦ୍ମିନୀ ଗିରିଙ୍କ ଏକମାତ୍ର ପୁତ୍ର ପ୍ରିନ୍ସ ଗିରିଙ୍କ (୧୪) ପୋଖରୀରେ ବୁଡି ମୃତ୍ୟୁ ଘଟିଛି । ଫଳରେ ସ୍ଥାନୀୟ ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି ହୋଇଛି । ମହୁଲିଆଶୁଲି ଗାଁରେ ଥିବା ଗୁଡି ପୋଖରୀରେ ପ୍ରିନ୍ସ ଗାଧେଇବାକୁ ଯାଇ ଗୋଡ ଖସିଯିବା କାରଣରୁ ପାଣିରେ ବୁଡିଯାଇ ମୃତ୍ୟୁ ବରଣ କରିଛନ୍ତି । ସେ ପହଁରା ଜାଣି ନଥିବାରୁ ପାଣିରେ ବୁଡି ଜୀବନ ଚାଲି ଯାଇଥିବା ଅନୁମାନ କରାଯାଇଛି । ଘଟଣା ଘଟିବା କିଛି ସମୟ ପରେ ଅଗ୍ନିଶମ ସେବା କର୍ମଚାରୀ ଖବର ପାଇ ସଙ୍ଗେ ସଙ୍ଗେ ପହଁଚି ପୋଖରୀରୁ ମୃତ୍ୟୁ ଦେହ ଉଦ୍ଧାର କରି ଶୁକୃଳି ଡାକ୍ତରଖାନାକୁ ଆଣିଥିଲେ । ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ । ରରୁଆଁ ପୁଲିସ ଏକ ଅପମୃତ୍ୟୁ ମାମଲା ରୁଜୁ କରିବା ସହ ଶବ ବ୍ୟବଚ୍ଛେଦ ପରେ ମୃତ ଦେହକୁ ପରିବାର ଲୋକଙ୍କୁ ହସ୍ତାନ୍ତର କରିଛନ୍ତି ।
About The Author
