ମନୋରଞ୍ଜନ
05 Apr 2022
By The Sakala
୮୩ କିଲୋ ଗଞ୍ଜେଇ ଜବତ, ୨ ଗିରଫ
ଫିରିଙ୍ଗିଆ: ଫିରିଙ୍ଗିଆ ପୁଲିସ ଚଢ଼ଉ କରି ଏକ ବୋଲେରୋରୁ ଗଞ୍ଜେଇ ଜବତ କରିଛି। ଏହି ଗଞ୍ଜେଇ ଚୋରା ଚାଲାଣ ଅଭିଯୋଗରେ ପୁଲିସ ଦୁଇ ଜଣ ଗଞ୍ଜେଇ ମାଫିଆଙ୍କୁ ଗିରଫ କରି କୋର୍ଟ ଚାଲାଣ କରିଛି।
ସୂଚନା ଅନୁଯାୟୀ, ଏକ ବୋଲେରୋରେ ଗଞ୍ଜେଇ ଚୋରାଚାଲାଣ କରାଯାଉଥିବା କୌଣସି ସୁତ୍ରରୁ ଖବର ପାଇ ଫିରିଙ୍ଗିଆ ଥାନାଧିକାରୀ ପି.ଶ୍ୟାମ ସୁନ୍ଦର ରାଓଙ୍କ ନେତୃତ୍ୱରେ ଅତିରିକ୍ତ ଥାନାଧିକାରୀ ବିକାଶକୁମାର ଜାଲି, ବରିଷ୍ଠ ଥାନାଧିକାରୀ ପ୍ରଦୀପକୁମାର ରାଉଳଙ୍କ ସହ ପୁଲିସର ଏକ ଟିମ ସହାୟତାରେ ବୁଡ଼ା କାମ୍ୱା, ମାସିରିପଡ଼ା ନିକଟରେ ଚଢ଼ଉ କରିଥିଲେ। ଯାଞ୍ଚ ବେଳେ ବୋଲେରୋ (ଓଡି ୦୨ବିକେ-୦୧୯୩)ରୁ ୮୩ କିଲୋ ଗଞ୍ଜେଇ ମିଳିଥିଲା। ଏଥିରେ ସମ୍ପୃକ୍ତ ଦୁଇ ମାଫିଆ ନୟାଗଡ଼଼ ଜିଲ୍ଲା ଇଟାମାଟିର ରାମଚନ୍ଦ୍ର ବେହେରା(୨୪) ଓ ସାନନ୍ତ ବେହେରାଙ୍କୁ ପୁଲିସ ଗିରଫ କରି ମଙ୍ଗଳବାର କୋର୍ଟ ଚାଲାଣ କରିଛି। ଏହି ଘଟଣାରେ ଫିରିଙ୍ଗିଆ ପୁଲିସ ୫୨/୨୨ରେ ଏକ ମାମଲା ରୁଜୁକରି ତଦନ୍ତ ଜାରି ରଖିଥିବା ଥାନାଧିକାରୀ ସୂଚନା ଦେଇଛନ୍ତି।
https://www.thesakala.in/latest-odisha-news/kandhamal/83-kg-of-ganja-seized-2-arrested/article-10536
About The Author
