ମନୋରଞ୍ଜନ
ଓଡ଼ିଶା
ସବୁ ରାତିରେ ଜଳୁଛି ବିଦ୍ୟୁତ୍ ଖୁଣ୍ଟ, ଘର ଭିତରେ ପଡୁଛି ନିଆଁ ଝୁଲ; ଭୟରେ କଲୋନୀ ବାସିନ୍ଦା
ଭୁବନେଶ୍ୱର: ସ୍ଥାନୀୟ ପାଣ୍ଡବ ନଗର ଲେନ୍ ନମ୍ବର ତିନିରେ ଏବେ ପ୍ରତି ରାତିରେ ଏକ ଅଭାବନୀୟ ଦୃଶ୍ୟ ଦେଖିବା ପାଇଁ ମିଳୁଛି । ପ୍ରତି ରାତିରେ ଏଠାରେ ଥିବା ଏକ ବିଦ୍ୟୁତ୍ ଖୁଣ୍ଟର ବାଣ ଫୁଟିବା ପରି ଜଳୁଛି । ଖୁଣ୍ଟିରୁ ନିଆଁ ପାଖ ଆଖର ଘର ଭିତରେ ପଡୁଛି । ଏହାପରେ ସ୍ଥାନୀୟ ଅଞ୍ଚଳରୁ ବିଦ୍ୟୁତ୍ ସରବରାହ ବିଛିନ୍ନ ହୋଇ ଯିବାରୁ ଗରମରେ ଲୋକମାନେ ଆଉଟୁ ପାଉଟ ହେଉଛନ୍ତି ।
ବିଦ୍ୟୁତ୍ ବିଭାଗର କର୍ମଚାରୀମାନେ ବିଳମ୍ବରେ ଆସି ପୋଡିଯାଇଥିବା ତାର ସଜାଡିବା ପରେ ବିଦ୍ୟୁତ ସରବରାହ ଠିକ୍ ହେଉଛି । ଖୁଣ୍ଟିଟି ଘରକୁ ଲାଗିକରି ଥିବାରୁ ସେଠାରେ ଅଗ୍ନିକାଣ୍ଡର ଭୟ ରହୁଛି । ତାର ପରିବର୍ତ୍ତନ ପରେ ମଧ୍ୟ ଏହି ସମସ୍ୟା ଦେଖା ଦେଇଛି । ସେଠାରେ ଥିବା ଖୁଣ୍ଟିକୁ ଅନ୍ୟତ୍ର ସ୍ଥାନାନ୍ତର କରିବା କିମ୍ବା ଅନ୍ୟ କୌଣସି ସୁରକ୍ଷା ପଦକ୍ଷେପ ଗ୍ରହଣ କରିବା ପାଇଁ ଦାବି ହୋଇଛି । ଖୁଣ୍ଟି ବିପଦ୍ଜନକ ଭାବେ ଘରକୁ ଲାଗି କରିଥିବାରୁ କେତେ ବେଳେ କୌଣସି ଅଘଟଣ ଘଟିବାର ଆଶଙ୍କା ରହିଛି । ଏହି ସମସ୍ୟାର ସ୍ଥାୟୀ ସମାଧାନ ପାଇଁ ସ୍ଥାନୀୟ ବାସିନ୍ଦା ଦାବି କରିଛନ୍ତି ।
About The Author
