ମନୋରଞ୍ଜନ
ଓଡ଼ିଶା
ରାଜଧାନୀରେ ମାତିଛନ୍ତି ନିଶାଦିଆ ଲୁଟେରା, ଅଟୋରେ ନିଶାଦେଇ ଯୁବକଙ୍କଠାରୁ ଲୁଟିନେଲେ ଟଙ୍କା ଓ ସୁନା
ଭୁବନେଶ୍ୱର: ସାବଧାନ ! ରାଜଧାନୀରେ ମାତିଛନ୍ତି ନିଶାଦିଆ ଲୁଟେରା । ଖାଦ୍ୟରେ ନିଶା ଖୁଆଇ ଲୋକଙ୍କୁ କରୁଛନ୍ତି ଲୁଟ୍ । ମାଷ୍ଟରକ୍ୟାଣ୍ଟିନରୁ ଫେରୁଥିବାବେଳେ ଅଟୋରେ ନିଶା ଦେଇ ଯୁବକଙ୍କଠାରୁ ଟଙ୍କା ଓ ସୁନା ଲୁଟିନେଲେ ଦୁର୍ବୃତ୍ତ। ଭୋରୁ ଭୋରୁ ରାଜଧାନୀରେ ଘଟିଛି ଘଟଣା । ଚା’ରେ ନିଶା ଦେଇ ଲୁଟି ନେଲେ ସୁନା ଚେନ, ସୁନା ମୁଦି ମୋବାଇଲ୍ ଓ ଟଙ୍କା । ଲୁଟର ଶିକାର ହୋଇଛନ୍ତି ବାଙ୍କୀ ବଇଦେଶ୍ବରର ରବି ନାରାୟଣ ମହାପାତ୍ର । ଗତକାଲି ଦିଲ୍ଲୀରୁ ପୁରୁଷୋତ୍ତମ ଏକ୍ସପ୍ରେସରେ ଆସି ଭୁବନେଶ୍ୱର ଷ୍ଟେସନରେ ସାଢ଼େ ୪ଟା ବେଳେ ଓହ୍ଲେଇ ଅଟୋରେ କଳିଙ୍ଗବିହାର ବାହାରି ଥିଲେ । ରାସ୍ତାରେ ଅଟୋରେ ଯିବା ବେଳେ ଲୁଟର ଶିକାର ହୋଇଥିବା କରିଛନ୍ତି । ଅଟୋ ଚାଳକ ଚା’ରେ ନିଶା ଦେଇ ସୁନା ମୁଦି, ୧୭ ହଜାର ଟଙ୍କା, ସୁନା ଚେନ, ମୋବାଇଲ୍ ଲୁଟି ନେଇଛନ୍ତି ।
ଲୁଟ ପରେ ତାଙ୍କୁ ମଧୁସୁଦନ ପାର୍କ ନିକଟରେ ଫିଙ୍ଗିଦେଇ ଚାଲି ଯାଇଥିଲା ଲୁଟେରା ଅଟୋ ଚାଳକ । ସକାଳୁ ପାର୍କକୁ ଆସୁଥିବା ଲୋକେ ଦେଖି ପିସିଆରକୁ ଖବର ଦେଇଥିଲେ । ରବି ବୁଲିବା ପାଇଁ ଦିଲ୍ଲୀ ଏକୁଟିଆ ଯାଇଥିଲେ । ଏବେ ତାଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇ ଚିକିତ୍ସା କରାଯାଉଛି । ଏୟାର ଫିଲ୍ଡ ଥାନା ପୋଲିସ ଏକ ମାମଲା ରୁଜୁ କରି ଘଟଣାର ତଦନ୍ତ କରୁଛି ।
About The Author
