କଟକ: ଓଡ଼ିଶା ପୁଲିସର ସିଗ୍‌ନାଲ୍ ବିଭାଗରେ ୨୪୪ଟି କଣ୍ଟ୍ରାକ୍‌ଚୁଆଲ କନଷ୍ଟେବଳ (ଯୋଗାଯୋଗ) ପଦରେ ନିଯୁକ୍ତି ପାଇଁ ବିଜ୍ଞପ୍ତି ପ୍ରକାଶ ପାଇଲା ପରେ ଏକ ଅନଲାଇନ ପୋର୍ଟାଲ କାର୍ଯ୍ୟକାରୀ କରାଯାଇଛି। ପୁଲିସ ଚୟନ ବୋର୍ଡ ପକ୍ଷରୁ ଏହି ନିଯୁକ୍ତି ପାଇଁ ଆବେଦନପତ୍ର ସୋମବାରଠାରୁ ପୋର୍ଟାଲ ମାଧ୍ୟମରେ ଆରମ୍ଭ ହୋଇଛି। ଆବେଦନପତ୍ର ଦାଖଲର ଶେଷ ତାରିଖ ଅକ୍ଟୋବର ୪ ମଧ୍ୟରାତ୍ର ପର୍ଯ୍ୟନ୍ତ ରହିଛି। ନିକଟରେ ଓଡ଼ିଶା ପୁଲିସ ସବ୍‌ଇନ୍‌ସ୍ପେକ୍ଟର ପଦ ପାଇଁ ଆବେଦନପତ୍ର ଆହ୍ବାନ କରାଯାଇଥିଲା ଯେଉଁଥିରେ କିନ୍ନରଙ୍କୁ ମଧ୍ୟ ସୁଯୋଗ ମିଳିଥିଲା । ସେହିପରି କନ୍‌ଷ୍ଟେବଳ ପଦ ପାଇଁ ଯୋଗ୍ୟ କିନ୍ନରମାନେ ଆବେଦନ କରିପାରିବେ ବୋଲି ବିଜ୍ଞପ୍ତିରେ ଉଲ୍ଲେଖ କରାଯାଇଥିଲା। ମୋଟ ୨୪୪ ପଦ ମଧ୍ୟରେ ୧୧୨ଟି ଅସଂରକ୍ଷିତ ରହିଛି। ଆବେଦନକାରୀ ପ୍ରାର୍ଥୀଙ୍କ ବୟସ ସୀମା ୧୮ରୁ ୨୩ବର୍ଷ ମଧ୍ୟରେ ହୋଇଥିବା ଆବଶ୍ୟକ | ମହିଳା, ଏସସି, ଏସଟି ଓ ଏସଇବିସିଙ୍କ ପାଇଁ ୫ବର୍ଷ ଅଧିକ ବୟସ କୋହଳ କରାଯାଇଛି। ସେହିପରି ଶିକ୍ଷାଗତ ଯୋଗ୍ୟତା ଯୁକ୍ତ ୨ ବିଜ୍ଞାନ ପଦାର୍ଥ ବିଜ୍ଞାନ, ରସାୟନ ବିଜ୍ଞାନ, ଗଣିତ ଅଥବା ଇଲେକ୍ଟ୍ରୋନିକ୍ସ ଓ କମ୍ପ୍ୟୁଟର ବିଜ୍ଞାନରେ ହୋଇଥିବା ଆବଶ୍ୟକ ବୋଲି ଉଲ୍ଲେଖ ରହିଛି ଏହି ନିଯୁକ୍ତି ପ୍ରକ୍ରିୟା ପାଇଁ କମ୍ପ୍ୟୁଟର ବେସ୍‌ଡ୍ ପରୀକ୍ଷା କରାଯିବ।

[wp-embedder-pack url=”https://odishapolice.gov.in/sites/default/files/PDF/Constable%20Commn.%20Detail%20Advt%20New-12.09.2021-Final.pdf” width=”100%” height=”400px” download-text=”Download Notification” download=”all”][/wp-embedder-pack]

Apply Online