ମନୋରଞ୍ଜନ
ଓଡ଼ିଶା
ସମ୍ପତ୍ତି ଆଗରେ ତୁଚ୍ଛ ହେଲା ସମ୍ପର୍କ, ବୃଦ୍ଧାଙ୍କୁ ମାଡ଼ ମାରିବା ସହ ଘରଦ୍ଵାର ଭାଙ୍ଗିଦେଲେ ସମ୍ପର୍କୀୟ
ଯାଜପୁର: ସମ୍ପତ୍ତି ପାଇଁ ସମ୍ପର୍କ ଭୁଲିଗଲେ ସମ୍ପର୍କୀୟ । ଜଣେ ବୃଦ୍ଧାଙ୍କୁ ମାଡ଼ ମାରିବା ସହ ଖୁଣ୍ଟରେ ବାନ୍ଧି ଘରଦ୍ଵାର ଭାଙ୍ଗିଦେଲେ ନିଜ ସମ୍ପର୍କୀୟ ଲୋକମାନେ । ଯାଜପୁର ଜିଲ୍ଲା କୋରାଇ ଥାନା ଅନ୍ତର୍ଗତ ଶିଶୁଆ ଗ୍ରାମରେ ଘଟିଛି ଏଭଳି ଏକ ଅଘଟଣ ।
ସୂଚନା ଅନୁସାରେ, ଜମିବାଡ଼ି ବିବାଦକୁ ନେଇ ଶିଶୁଆ ଗ୍ରାମର ବନ୍ଧର୍ବ ମହାରଣା ଓ ତାଙ୍କ ସମ୍ପର୍କୀୟ ଅଲେଖ ମହାରଣାଙ୍କ ସହ ଅନେକ ଦିନ ଧରି ତିକ୍ତତା ଲାଗି ରହିଥିଲା । ଉଭୟଙ୍କ ମଧ୍ୟରେ ଅନେକ ଥର ଗଣ୍ଡଗୋଳ ହୋଇ ଥାନା କୋର୍ଟ ପର୍ଯ୍ୟନ୍ତ କଥା ଯାଇଥିଲା ।
ମାତ୍ର ଏହି ବିବାଦ ଗତକାଲି ଉଗ୍ରରୂପ ଧାରଣା କରିଥିଲା । ବନ୍ଧର୍ବ ମହାରଣା ଘରେ ନ ଥିବା ବେଳେ ଅଲେଖ ମହାରଣା ନିଜ ସହ ୨୦ ରୁ ଉର୍ଦ୍ଧ୍ଵ ଲୋକଙ୍କୁ ଧରି ସେଠାରେ ପହଞ୍ଚିଥିଲେ । ଘରେ ଥିବା ଗନ୍ଧର୍ବଙ୍କ ପୁଅ ଓ ଝିଅକୁ ମାରଣାସ୍ତ୍ର ଦେଖାଇବା ସହ ଗନ୍ଧର୍ବଙ୍କ ସ୍ତ୍ରୀ ସାବିତ୍ରୀ ମହାରଣାଙ୍କୁ ନିସ୍ତୁକ ମାଡ଼ ମାରିଥିଲେ । ପରେ ଗନ୍ଧର୍ବଙ୍କ ସ୍ତ୍ରୀଙ୍କୁ ଖୁଣ୍ଟରେ ବାନ୍ଧି ଘରର ଆସବାବପତ୍ର ବାହାରକୁ ଫିଙ୍ଗିଦେଇ ଘରକୁ ସମ୍ପୂର୍ଣ୍ଣ ଭାଙ୍ଗି ଦେଇଥିଲେ। ଏଥିସହିତ ଘରେ ଥିବା ଟଙ୍କା ଓ ସୁନା ଅଳଙ୍କାର ନେଇଯାଇଥିବା ଅଭିଯୋଗ ହୋଇଛି। ପରେ ଏନେଇ ଥାନାରେ ଲିଖିତ ଅଭିଯୋଗ ହେବା ପରେ ପୋଲିସ ଘଟଣାର ତଦନ୍ତ ଆରମ୍ଭ କରିଛି।
About The Author
