ମନୋରଞ୍ଜନ
ଓଡ଼ିଶା
01 Sep 2024
By The Sakala
କାନ୍ଥ ଭୁଶୁଡ଼ି ୨ ବର୍ଷର ପୁଅ ମୃତ, ବାପା ମା’ ଗୁରୁତର
ଭଞ୍ଜନଗର: ମାଟିକାନ୍ଥ ଭୁଶୁଡ଼ି ଚାଲିଗଲା ୨ ବର୍ଷ ପୁଅର ଜୀବନ, ବାପା ମା’ ଗୁରୁତର । ଭଞ୍ଜନଗର ଥାନା ଅନ୍ତର୍ଗତ ବାଇବାଲି ପଞ୍ଚାୟତର ତୋଟା ସାହିରେ ଏପରି ଅଘଟଣ ଘଟିଛି । ମୃତ ବାଳକଙ୍କ ନାମ ଋଷି ପ୍ରଧାନ । ବାପା ଏବଂ ମାଆ ଗୁରୁତର ହୋଇଛନ୍ତି । ଉଭୟ ଗୁରୁତରଙ୍କୁ ଭଞ୍ଜନଗର ମେଡିକାଲରେ ଭର୍ତ୍ତି କରାଯାଇଛି ।
ସୂଚନା ଅନୁସାରେ, ଶନିବାର ରାତିରେ ଖାଇ ସାରିବା ପରେ ଋଷି, ବାପା ବସନ୍ତ ପ୍ରଧାନ ଓ ମାଆ ଭାଗ୍ୟ ପ୍ରଧାନଙ୍କ ସହ ଶୋଇଥିଲେ । ଶନିବାର ରାତିସାରା ବର୍ଷା ଲାଗି ରହିଥିଲା । ରବିବାର ଭୋର ୪ ଟାରେ ଘରର ଗୋଟିଏ କାନ୍ଥ ବତୁରି ଯିବା ଦ୍ୱାରା ହଠାତ୍ ଭୁଶୁଡ଼ି ପଡ଼ିଥିଲା । ଶୋଇଥିବା ଅବସ୍ଥାରେ ପରିବାର ଲୋକଙ୍କ ଉପରେ କାନ୍ଥଟି ମାଡ଼ି ବସିଥିଲା । ପରିବାର ଲୋକେ ଉଦ୍ଧାର କରି ସମସ୍ତଙ୍କୁ ଭଞ୍ଜନଗର ମେଡ଼ିକାଲରେ ଭର୍ତି କରିଥିଲେ। ସେଠାରେ ଡାକ୍ତର ଶିଶୁ ପୁତ୍ରକୁ ମୃତକୁ ଘୋଷଣା କରିଥିବା ବେଳେ ବାପା ଓ ମା’ ଙ୍କର ଚିକିତ୍ସା ଚାଲିଛି। ସେମାନଙ୍କ ସ୍ୱାସ୍ଥ୍ୟ ଅବସ୍ଥା ସ୍ଥିର ଥିବା ଡାକ୍ତର କହିଛନ୍ତି l
https://www.thesakala.in/latest-odisha-news/2-year-boy-dies-as-wall-colapsed-and-father-mother-injured-in-bhanjanagar/article-34842
About The Author
