କୋର୍ଟ ଚାଲାଣ ହେଲେ ସାଂସଦ ଅପରାଜିତାଙ୍କ ପିଏ ଧନେଶ୍ବର ଓ ସହଯୋଗୀ ଜ୍ୟୋତିରଞ୍ଜନ

By The Sakala

Published On Feb 17, 2021 03:52 PM IST

ଭୁବନେଶ୍ବର : ସାଂସଦ ଅପରାଜିତାଙ୍କ ପିଏ ଧନେଶ୍ୱର ବାରିକ ଓ ସହଯୋଗୀ ଜ୍ୟୋତିରଞ୍ଜନ ପଣ୍ଡାଙ୍କୁ କୋର୍ଟ ଚାଲାଣ କଲା ପୁଲିସ। ମେଡ଼ିକାଲରୁ ଡିସଚାର୍ଜ ପରେ ଲକ୍ଷ୍ମୀସାଗର ଥାନାକୁ ଅଣାଯାଇ କୋର୍ଟ ଚାଲାଣ କରାଯାଇଛି। ଫେବୃଆରୀ ୧୦ ରାତିରେ ସାଂସଦଙ୍କ ପୋଷ୍ଟର ମାରିବା ଘଟଣାରୁ ହୋଇଥିଲା ଗଣ୍ଡଗୋଳ। ୨ ଯୁବକଙ୍କୁ ମାଡ଼ମାରି ଲହୁଲୁହାଣ କରିଥିଲେ ଧନେଶ୍ୱର ଓ ଜ୍ୟୋତି। ଉଭୟଙ୍କୁ ୧୧ ତାରିଖରେ ଗିରଫ କରିଥିଲା କମିଶନରେଟ ପୁଲିସ। ସୂଚନାଯୋଗ୍ୟ ଗତ ୧୨ ତାରିଖରେ ସାଂସଦ ନିଖୋଜ ଥିବା ପୋଷ୍ଟର […]

ଭୁବନେଶ୍ବର : ସାଂସଦ ଅପରାଜିତାଙ୍କ ପିଏ ଧନେଶ୍ୱର ବାରିକ ଓ ସହଯୋଗୀ ଜ୍ୟୋତିରଞ୍ଜନ ପଣ୍ଡାଙ୍କୁ କୋର୍ଟ ଚାଲାଣ କଲା ପୁଲିସ। ମେଡ଼ିକାଲରୁ ଡିସଚାର୍ଜ ପରେ ଲକ୍ଷ୍ମୀସାଗର ଥାନାକୁ ଅଣାଯାଇ କୋର୍ଟ ଚାଲାଣ କରାଯାଇଛି। ଫେବୃଆରୀ ୧୦ ରାତିରେ ସାଂସଦଙ୍କ ପୋଷ୍ଟର ମାରିବା ଘଟଣାରୁ ହୋଇଥିଲା ଗଣ୍ଡଗୋଳ। ୨ ଯୁବକଙ୍କୁ ମାଡ଼ମାରି ଲହୁଲୁହାଣ କରିଥିଲେ ଧନେଶ୍ୱର ଓ ଜ୍ୟୋତି। ଉଭୟଙ୍କୁ ୧୧ ତାରିଖରେ ଗିରଫ କରିଥିଲା କମିଶନରେଟ ପୁଲିସ।

ସୂଚନାଯୋଗ୍ୟ ଗତ ୧୨ ତାରିଖରେ ସାଂସଦ ନିଖୋଜ ଥିବା ପୋଷ୍ଟର ମରାକୁ ନେଇ ପିଏ ଧନେଶ୍ୱରଙ୍କ ସମେତ ୧୦ରୁ ଅଧିକ ଯୁବକ ଶୁଭମ୍‌ ହୀରାଙ୍କୁ ମରଣାନ୍ତକ ଆକ୍ରମଣ କରିଥିଲେ । ସାଂସଦ ଅପରାଜିତା ଷଡ଼ଙ୍ଗୀଙ୍କ ସମର୍ଥକ ମାଡ଼ ମାରିଥିବା ନେଇ ଲଷ୍ମୀସାଗର ଥାନାରେ ଅଭିଯୋଗ କରିଥିଲେ ଶୁଭମ୍‌ଙ୍କ ମା’ ସୀପ୍ରା । ଆକ୍ରମଣକାରୀଙ୍କ ମଧ୍ୟରେ ସାଂସଦଙ୍କ ପିଏ ଥିବା ମଧ୍ୟ ସେ କହିଥିଲେ । କିନ୍ତୁ ଏବେ ଅଭିଯୁକ୍ତମାନେ ସ୍ୱାସ୍ଥ୍ୟଗତ ସମସ୍ୟାର ଆଳ ଦେଖାଇ ମେଡିକାଲରେ ଭଲ କ୍ୟାବିନ୍‌ରେ ମଉଜ କରୁଥିବା ଜଣାପଡିଥିଲା। ଏହାପରେ ଖୋଦ୍‌ ଶୁଭମ୍‌ଙ୍କ ମା ଏନେଇ ଭୁବନେଶ୍ୱର ଡିସିପିଙ୍କୁ ଅଭିଯୋଗ କରିଥିଲେ । ଆକ୍ରମଣକାରୀଙ୍କୁ ତୁରନ୍ତ ଦଣ୍ଡ ମିଳୁ ବୋଲି ସେ ଦାବି କରିଥିଲେ ।