କଲକାତା : ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଆହତ । ନନ୍ଦିଗ୍ରାମରେ ନିର୍ବାଚନ ପ୍ରଚାର ବେଳେ ଆଜି ତୃଣମୂଳ ନେତ୍ରୀ ମମତା ବାନାର୍ଜୀ  ଆହତ ହୋଇଛନ୍ତି । ତାଙ୍କ ଗୋଡରେ ଆଘାତ ଲାଗିଥିବାବେଳେ ଏହା ବିଜେପିର ଚକ୍ରାନ୍ତ ବୋଲି କହିବା ସହ ତାଙ୍କ ଉପରେ ଆକ୍ରମଣ ହୋଇଥିବା ଅଭିଯୋଗ କରିଛନ୍ତି ଦିଦି । ତେବେ କିଛି ଯୁବକ ଜାଣିଶୁଣି ତାଙ୍କୁ ଆଘାତ କରିଥିବା ନେଇ ସେ ଗଣମାଧ୍ୟମରେ ପ୍ରତିକ୍ରିୟା ଦେଇଛନ୍ତି । ହେଲେ ଏହାକୁ ଡରିନଯାଇ ସେ ନିଜର ପ୍ରଚାର ଅଭିଯାନ ଜାରି ରଖିବେ ବୋଲି କହିଛନ୍ତି ।

#WATCH West Bengal CM Mamata Banerjee in Nandigram says she has suffered an injury in her leg after few people pushed her when she was near her car pic.twitter.com/D1l00MU7xw

ଆହୁରି ପଢ଼ନ୍ତୁ: ଇରାନ ବିରୋଧରେ ଯୁଦ୍ଧ ମଇଦାନକୁ ଓହ୍ଲାଇଲା ଇସ୍ରାଏଲର ନୌସେନା, ଭୂମଧ୍ୟସାଗରରୁ ମାଡ଼ ହେଉଛି ମିସାଇଲ

— ANI (@ANI) March 10, 2021

ଆହୁରି ପଢ଼ନ୍ତୁ: ଆଫଗାନିସ୍ତାନ ଉପରେ ପାକିସ୍ତାନର ଏୟାରଷ୍ଟ୍ରାଇକ୍: ୧୧ ଶିଶୁଙ୍କ ସମେତ ୧୩ ମୃତ, ତାଲିବାନର ଚେତାବନୀ

ଏହି ଘଟଣାକୁ ନେଇ ମମତା ବାନାର୍ଜୀ କହିଛନ୍ତି, ତାଙ୍କୁ ଆକ୍ରମଣ ଲାଗି ଷଡଯନ୍ତ୍ର ହୋଇଥିଲା । ସେ ଏ ନେଇ ନିର୍ବାଚନ ଆୟୋଗଙ୍କୁ ଅଭିଯୋଗ କରିବେ। ତେବେ ଏହି ଘଟଣା ଘଟିବା ସମୟରେ ସ୍ଥାନୀୟ ପୁଲିସ ବି ତାଙ୍କ ସହିତ ନ ଥିବା ମମତା ଅଭିଯୋଗ କରିଛନ୍ତି। ନାମାନଙ୍କନ ଦାଖଲ କରିବା ପରେ ସେ ଲଗାତାର ମନ୍ଦିର ଯିବା ସହ ଲୋକଙ୍କ ସହ ମିଶୁଛନ୍ତି । ଏହି ସମୟରେ ଭିଡ଼ ଭିତରେ ତାଙ୍କ ଗୋଡ଼ରେ ଆଘାତ ଲାଗିଛି ।

ସେପଟେ ଟିଏମସି ପକ୍ଷରୁ ଏହାକୁ ଏକ ଆକ୍ରମଣ ବୋଲି କହିବା ସହ ୪-୫ ଜଣ ଏମିତି କରିଥିବା କହିଛି। ପାର୍ଟି ପକ୍ଷରୁ ଏନେଇ ନିର୍ବାଚନ ଆୟୋଗଙ୍କ ପାଖରେ ଅଭିଯୋଗ କରାଯିବ ବୋଲି ଜଣାପଡ଼ିଛି।