ମନୋରଞ୍ଜନ
ଓଡ଼ିଶା
ଶତ୍ରୁପକ୍ଷ ଲୋକ ମନେକରି ନିଜ ୩ ନାଗରିକଙ୍କୁ ମାରିଦେଲା ଇସ୍ରାଏଲ୍ ଡିଫେନସ୍ ଫୋର୍ସ
ଜେରୁଜେଲମ୍: ଗାଜାର ଶେଜୈୟା ଜିଲ୍ଲାରେ ଯୁଦ୍ଧ କରୁଥିବା ବେଳେ ଶତ୍ରୁପକ୍ଷ ଲୋକ ମନେକରି ଶନିବାର ଦିନ ୩ଜଣ ଇସ୍ରାଏଲ ପଣବନ୍ଦୀଙ୍କୁ ଗୁଳି ମାରି ହତ୍ୟା କରିଥିବା କଥା ‘ଇସ୍ରାଏଲ୍ ଡିଫେନ୍ସ୍ ଫୋର୍ସ’ (ଆଇଡିଏଫ୍) କହିଛି। ନିହତ ପଣବନ୍ଦୀଙ୍କ ମଧ୍ୟରୁ ଜଣେ ହେଉଛନ୍ତି ୟୋଟା ହୈମ୍ ଓ ଆଉ ଜଣଙ୍କ ନାଁ ସାମେର୍ ତାଲାଲ୍କା। ତୃତୀୟ ବ୍ୟକ୍ତିଙ୍କ ନାମ ପ୍ରସାରଣ ନ କରିବା ଲାଗି ତାଙ୍କ ପରିବାର ଲୋକେ ଅନୁରୋଧ କରିଥିବା କଥା ‘ଆଇଡିଏଫ୍’ କହିଛି।
‘ଆଇଡିଏଫ୍’ର ମୁଖପାତ୍ର ଡାନିଏଲ୍ ହେଗାରି କହିଛନ୍ତି, ଯାହା ଘଟିଗଲା ସେଥିପାଇଁ ସେନା ସମ୍ପୂର୍ଣ୍ଣ ଦାୟୀ ବୋଲି ସ୍ବୀକାର କରୁଛି। ଆମର ମନେହୁଏ, ସେ ୩ଜଣ ପଣବନ୍ଦୀ ହୁଏ ତ ଖସି ପଳାଇ ଆସିଥିଲେ ଅଥବା ଅଟକାଇ ରଖିଥିବା ଆତଙ୍କବାଦୀମାନେ ସେମାନଙ୍କୁ ଛାଡ଼ି ଚାଲିଯାଇଥିଲେ। ପଣବନ୍ଦୀ ମୃତ୍ୟୁ ଘଟଣାକୁ ଇସ୍ରାଏଲ୍ର ପ୍ରଧାନମନ୍ତ୍ରୀ ନେତାନ୍ୟାହୁ ‘ଅସହ୍ୟ ଦୁଃଖ’ ବୋଲି କହିଛନ୍ତି।
About The Author
