ସୁରକ୍ଷାକର୍ମୀଙ୍କ ଏନକାଉଣ୍ଟରରେ ୩ ଆତଙ୍କବାଦୀ ନିହତ

By The Sakala

Published On Jan 05, 2022 06:30 PM IST

ଶ୍ରୀନଗର: ବର୍ଷ ଆରମ୍ଭରୁ ଭାରତୀୟ ସୁରକ୍ଷାକର୍ମୀଙ୍କୁ ମିଳିଛି ବଡ଼ ସଫଳତା । ସୁରକ୍ଷାକର୍ମୀଙ୍କ ଏନକାଉଣ୍ଟରରେ ୩ ଆତଙ୍କବାଦୀ ନିହତ । ନିହତ ୩ଜଣ ପାକିସ୍ତାନୀ ଆତଙ୍କବାଦୀ ସଙ୍ଗଠନ ଜୈଶ-ଇ-ମହମ୍ମଦର ସଦସ୍ୟ ବୋଲି ଜଣାପଡିଛି । ପୂର୍ବରୁ ପୁଲିସ ଓ ସୁରକ୍ଷାବଳ କାଶ୍ମୀରର ପୁଲୱାମା ଚାନ୍ଦଗ୍ରାମ ଅଞ୍ଚଳରେ ଚଳାଇଥିଲେ ଏନକାଉଣ୍ଟର ଅଭିଯାନ । ଏ ନେଇ ଏସିଆନ୍ ନ୍ୟୁଜ ଏଜେନ୍ସି ତରଫରୁ ସୂଚନା ମିଳିଛି । ଦକ୍ଷିଣ କାଶ୍ମୀରର ପୁଲୱାମା ଅନ୍ତର୍ଗତ ଚାନ୍ଦଗ୍ରାମ ଅଞ୍ଚଳରେ କିଛି ଆତଙ୍କବାଦୀ ଥିବା […]

ଶ୍ରୀନଗର: ବର୍ଷ ଆରମ୍ଭରୁ ଭାରତୀୟ ସୁରକ୍ଷାକର୍ମୀଙ୍କୁ ମିଳିଛି ବଡ଼ ସଫଳତା । ସୁରକ୍ଷାକର୍ମୀଙ୍କ ଏନକାଉଣ୍ଟରରେ ୩ ଆତଙ୍କବାଦୀ ନିହତ । ନିହତ ୩ଜଣ ପାକିସ୍ତାନୀ ଆତଙ୍କବାଦୀ ସଙ୍ଗଠନ ଜୈଶ-ଇ-ମହମ୍ମଦର ସଦସ୍ୟ ବୋଲି ଜଣାପଡିଛି ।

ପୂର୍ବରୁ ପୁଲିସ ଓ ସୁରକ୍ଷାବଳ କାଶ୍ମୀରର ପୁଲୱାମା ଚାନ୍ଦଗ୍ରାମ ଅଞ୍ଚଳରେ ଚଳାଇଥିଲେ ଏନକାଉଣ୍ଟର ଅଭିଯାନ । ଏ ନେଇ ଏସିଆନ୍ ନ୍ୟୁଜ ଏଜେନ୍ସି ତରଫରୁ ସୂଚନା ମିଳିଛି । ଦକ୍ଷିଣ କାଶ୍ମୀରର ପୁଲୱାମା ଅନ୍ତର୍ଗତ ଚାନ୍ଦଗ୍ରାମ ଅଞ୍ଚଳରେ କିଛି ଆତଙ୍କବାଦୀ ଥିବା ସୁରକ୍ଷାକର୍ମୀଙ୍କୁ ସୂଚନା ମିଳିଥିଲା । ବୁଧବାର ପାହାନ୍ତିରୁ ସୁରକ୍ଷାକର୍ମୀଙ୍କ ପକ୍ଷରୁ ଆରମ୍ଭ ହୋଇଥିଲା ସର୍ଚ୍ଚ ଅପରେସନ । ପୁଲିସକୁ ଦେଖି ପ୍ରଥମେ ଗୁଳିଚାଳନା କରିଥିଲେ ଅଜ୍ଞାତ ଆତଙ୍କବାଦୀ । ଜବାବରେ ସମଗ୍ର ଅଞ୍ଚଳକୁ ଘେରାଉ କରି ପାଲଟା ଗୁଳିମାଡ କରିଥିଲେ ସୁରକ୍ଷାକର୍ମୀ । ଦୀର୍ଘ ସମୟ ଧରି ଉଭୟଙ୍କ ମଧ୍ୟରେ ଜାରି ରହିଥିଲା ଗୁଳି ବିନିମୟ । ଏନକାଉଣ୍ଟରରେ ଜୈଶ-ଇ-ମହମ୍ମଦ ସଙ୍ଗଠନର ୩ ଆତଙ୍କବାଦୀ ନିହତ ହୋଇଥିଲେ । ସେଥିମଧ୍ୟରୁ ଜଣେ ପାକ୍ତିସ୍ତାନୀ ନାଗରିକ ଥିବା ଜଣାପଡ଼ିଛି । ଆତଙ୍କବାଦୀଙ୍କ ମୃତଦେହ ସହ ବିପୁଳ ପରିମାଣର ଗୁଳିଗୋଳା, ୨ଟି ଏମ୍-୪ କାର୍ବାଇନ୍, ଗୋଟିଏ ସିରିଜ ରାଫଲ ସହିତ ଅନେକ ଆପତ୍ତିଜନକ ଜବତ ହୋଇଛି ।