ମନୋରଞ୍ଜନ
ଓଡ଼ିଶା
ଜେରା ସମୟରେ ଫେରାର ହୋଇଗଲେ କନେଷ୍ଟବଳ, ଆଜି ସକାଳେ ଏକାସାଙ୍ଗେ ୬ଟି ସ୍ଥାନରେ ଚଢାଉ କରିଥିଲା ୩୫ ଜଣିଆ ଭିଜିଲାନ୍ସ ଟିମ
ବାରିପଦା: ଫେରାର ହୋଇଗଲେ ପୁଲିସ କନେଷ୍ଟବଳ । ଭିଜିଲାନ୍ସ ଜେରା କରିବା ସମୟରେ ଫେରାର ହୋଇଯାଇଛନ୍ତି କନେଷ୍ଟବଳ ନିହାର ଦଣ୍ଡପାଟ । ନିଜ ପତ୍ନୀଙ୍କ ସହିତ କଥା ହେବା ସମୟରେ ଘର ଛାତରୁ ଡିଆଁ ମାରି ଫେରାର ହୋଇଯାଇଥିବା ନେଇ ସୂଚନାରୁ ଜଣାପଡିଛି ।
ଆଜି ସକାଳେ ଆୟବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ କନେଷ୍ଟବଳଙ୍କ ଘରେ ଭିଜିଲାନ୍ସ ଚଢ଼ାଉ କରିଥିଲେ। ତାଙ୍କର ପୈତୃକ ଓ ଶଶୁର ଘର, ବ୍ୟବସାୟ ପ୍ରତିଷ୍ଠାନରେ ଏକ ସଙ୍ଗେ ଚଢ଼ାଉ ଜାରି ରଖିଥିଲା ଭିଜିଲାନ୍ସ ଟିମ । ବାଲେଶ୍ଵର ଭିଜିଲାନ୍ସ ଏସପିଙ୍କ ନେତୃତ୍ବରେ ୬ଟି ଟିମରେ ୩୫ଜଣ ଅଫିସର ଚଢ଼ାଉ କରିଥିଲେ । ବାରିପଦାର ଭଞ୍ଜପୁରରେ ନବ ନିର୍ମିତ କୋଠା ଘର, ୨ଟି ବ୍ୟବସାୟ ପ୍ରତିଷ୍ଠାନ, ବଡସାହି ଥାନା ବେଲପାଳ ପୈତୃକ ଘର, ରାଉରକେଲା ସ୍ଥିତ ଶଶୁର ଘର ଓ ଶଶୁରଙ୍କ ପୈତୃକ ଗ୍ରାମ(ପଶ୍ଚିମବଙ୍ଗ)ରେ ଚଢ଼ାଉ କରିଥିଲେ । ତେବେ ଏବେ ଯାଏଁ କେତେ ପରିମାଣରେ ସମ୍ପତ୍ତି ଠାବ ହୋଇଛି, ସେ ନେଇ କିଛି ସ୍ପଷ୍ଟ ସୂଚନା ମିଳିନାହିଁ ।
About The Author
