ମନୋରଞ୍ଜନ
ଓଡ଼ିଶା
ଭିମସାରର ୪ଟି ବିଭାଗର ୪୦ରୁ ଉର୍ଦ୍ଧ୍ବ ତାଲା ଭାଙ୍ଗି ଚୋରି
ବୁର୍ଲା : ବୁର୍ଲା ଭୀମସାରରେ ବଡ ଧରଣର ଚୋରି । ଓଡିଶା ଇତିହାସରେ ଏହା ପ୍ରଥମ ଘଟଣା । ମେଡିକାଲ କଲେଜର ୪ଟି ବିଭାଗର ୪୦ରୁ ଉର୍ଦ୍ଧ୍ବ ତାଲା ଭାଙ୍ଗି ବିଳମ୍ବିତ ରାତ୍ରିରେ ଚୋରି ହୋଇଥିବା ଅଭିଯୋଗ ହୋଇଛି। ସେପଟେ ଡ୍ର ଗୁଡିକର ତାଲାକୁ ମିଶାଇ ଶତାଧିକ ତାଲା ହେବ ବୋଲି ଅନୁମାନ କରାଯାଇଛି । ମେଡିକାଲ କତ୍ତୃପକ୍ଷ ଏନେଇ ବୁର୍ଲା ଥାନାରେ ଲିଖିତ ଅଭିଯୋଗ କରିଛନ୍ତି। ବୁର୍ଲା ଏସଡିପିଓ, ଥାନା ଅଧିକାରୀ ଆସି ତଦନ୍ତ କରୁଛନ୍ତି । ଭିମସାରର ଏଫଏମଟି, ପାଥେଲୋଜି, ଆନାଟୋମି, ମାଇକ୍ରୋବାଇଲୋଜି ବିଭାଗରୁ ଚୋରି ହୋଇଥିବା ଜଣାପଡିଛି।ଏହି ବିଭାଗରେ ଲାଗିଥିବା ସମସ୍ତ ତାଲା ସବୁ ବାରଣ୍ଡାରେ ପଡିଛି। ତେବେ ମ୍ୟୁଜିୟମରେ ଥିବା ପୁରାତନ ଖଣ୍ଡା ଭୁଜାଲି ମଧ୍ୟ ଚୋରି ହୋଇଥିବା ଅଭିଯୋଗ ହୋଇଛି । ସେପଟେ ବିଭିନ୍ନ ବିଭାଗରୁ ଲେପଟପ ଓ ପ୍ରୋଜେକ୍ଟର ଗୁଡିକ ମଧ୍ୟ ଚୋରି ହୋଇଥିବା ଅଭିଯୋଗ ହୋଇଛି ।
About The Author
