ମନୋରଞ୍ଜନ
ଓଡ଼ିଶା
କାର ଓ ବାଇକ ଉପରେ ଚଢିଗଲା ଟ୍ରକ, ଅଳ୍ପକେ ବର୍ତ୍ତିଲେ କାରରେ ବସିଥିବା ବ୍ଯକ୍ତି
ଝୁମ୍ପୁରା: କେନ୍ଦୁଝର ଜିଲ୍ଲା ସଦର ଥାନା ଅନ୍ତର୍ଗତକ ଓଡ଼ିଶା ସ୍ପଞ୍ଜ ଆଇରନ କାରଖାନା ଛକ ନିକଟ ପଳାଶପଙ୍ଗା-ବାମେବାରୀ ରାସ୍ତାରେ ଶନିବାର ଦିନ ଏକ ସଡକ ଦୁର୍ଘଟଣା ଘଟିଛି। ଏକ ଟ୍ରକ ରାସ୍ତାରେ ଛିଡା ହୋଇଥିବା କାର ଓ ବାଇକ ଉପରେ ଚଢିଯାଇଛି। ସୌଭାଗ୍ଯ ବସତଃ କାରରେଥିବା ଜଣେ ବ୍ଯକ୍ତି ଅଳ୍ପକେ ବର୍ତ୍ତି ଯାଇଛନ୍ତି।
ସୂଚନା ମୁତାବକ, ଆଜି ଓଡ଼ିଶା ସ୍ପଞ୍ଜ ଆଇରନ କାରଖାନା ଛକ ନିକଟ ଏକ ଚା’ ଦୋକାନ ସମ୍ମୁଖରେ କାର ଓ ବାଇକ ଛିଡାକରି କିଛି ବ୍ଯକ୍ତି ଚା’ ପିଉଥିଲେ। ପଳାଶପଙ୍ଗା ପଟରୁ ବାମେବାରୀ ଅଭିମୁଖେ ଯାଉଥିବା ଏକ ୧୨ ଚକିଆ ଟ୍ରକ (ଓଡି୦୯କେ୬୨୫୨) ଦ୍ରୁତଗତିରେ ଥିବାରୁ ଭାରସାମ୍ୟ ହରାଇ ଛିଡା ହୋଇ ଥିବା କାର ନଂ-(ଓଡି୩୩ଭି୪୪୭୫ ) ଏବଂ ବାଇକ ନଂ-(ଓଡି୦୯ବି୦୫୭୦) ଉପରେ ଚଢିଯାଇଥିଲା। ଫଳରେ କାର ଭିତରେ ବସିଥିବା ବ୍ୟକ୍ତି ଜଣକ ଅଳ୍ପକେ ବର୍ତିଯାଇଥିଲେ। ଖବର ପାଇ ଘଟଣାସ୍ଥଳରେ ପୁଲିସ୍ ପହଞ୍ଚି ଦୁର୍ଘଟଣାଗ୍ରସ୍ତ ଗାଡି ଗୁଡିକୁ ଜବତ କରିଥିଲେ। ଦୁର୍ଘଟଣାର ପାରିପାର୍ଶ୍ବିକସ୍ଥିତିକୁ ଅନୁଧ୍ୟାନ କରିବା ସହ ତଦନ୍ତ ଜାରି ରଖିଥିବା ପଳାଶପଙ୍ଗା ବିଟ୍ ହାଉସର ଅଧିକାରୀ ଭୋଳେଶ୍ୱର ନାଏକ ସୂଚନା ଦେଇଛନ୍ତି।
About The Author
