ମନୋରଞ୍ଜନ
11 Dec 2023
By The Sakala
ଜାଲରେ ପଡିଲା ତେଲିଆ ବୋରେଇ ମାଛ, ୨୦ ଲକ୍ଷରୁ ଉର୍ଦ୍ଧ୍ୱ ଟଙ୍କାରେ କିଣି ନେଲେ ବ୍ୟବସାୟୀ
ପାରାଦୀପ: ପାରାଦୀପ ସମୁଦ୍ରରୁ ଧରା ହେଲା ବିରଳ ଦାମୀ ମାଛ । ଧରାଯାଇଥିବା ୧୭ଟି ମାଛକୁ ପ୍ରାୟ ୨୦ଲକ୍ଷରୁ ଉର୍ଦ୍ଧ୍ୱ ଟଙ୍କାରେ ନିଲାମ କରାଯାଇଛି । ଯାହାର ଓଜନ ୩ କ୍ୱିଣ୍ଟାଲରୁ ଅଧିକ ରହିଛି । ସେହି ମାଛର ନାଁ ରହିଛି ତେଲିଆ ବୋରେଇ । ଏହି ମାଛମାନେ ଗଭୀର ସମୁଦ୍ରରୁ ମିଳିଥାଆନ୍ତି । ତେବେ ପାର୍ବତୀ ନାମକ ଟ୍ରଲର ସମୁଦ୍ରରେ ମାଛ ଧରୁଥିବା ସମୟରେ ୧୭ଟି ତେଲିଆ ବୋରେଇ ମାଛ ପଡିଥିଲା ।
ଟ୍ରଲର ଟି ତୁରନ୍ତ ମାଛଧରା ବନ୍ଦ କୁ ଆସିବା ପରେ ୧୭ଟି ମାଛକୁ ନିଲାମ କେନ୍ଦ୍ର ରେ ନିଲାମ କରାଯାଇଥିଲା । ତେବେ ଏହି ୧୭ ଟି ମାଛର ମୂଲ୍ୟ ୨୦ଲକ୍ଷ ରୁ ଉର୍ଦ୍ଧ୍ୱ ଟଙ୍କାରେ ବ୍ୟବସାୟୀ ମାନେ କିଣି ନେଇଥିବା ଜଣାପଡିଛି । ଏହି ମାଛର ପୁଟି ଔଷଧ ତିଆରି କାର୍ଯ୍ୟରେ ଲାଗୁଥିବାରୁ ମାଛ ଅଧିକ ମୂଲ୍ୟରେ ବିକ୍ରି କରାଯାଇଥାଏ । ବିଦେଶରେ ଏହି ମାଛର ଚାହିଦା ଢେର ଅଧିକ ରହିଛି ।
https://www.thesakala.in/latest-odisha-news/jagatsinghpur/rare-fish-in-odishas-paradip-businessman-bought-it-more-than-20-lakh-rupees/article-28131
About The Author
