ମନୋରଞ୍ଜନ
ପୂର୍ବ ଶତ୍ରୁତାକୁ କେନ୍ଦ୍ରକରି ଯୁବକଙ୍କୁ ଛୁରାମାଡ଼, ପୋଲିସର ତଦନ୍ତ ଜାରି
କାମାକ୍ଷାନଗର: ପୂର୍ବ ଶତ୍ରୁତାରୁ ଛୁରା ମାଡ଼ । ବିଳମ୍ବିତ ରାତିରେ ଉଦ୍ଧାର କରିଲେ ଗ୍ରାମବାସୀ । ଘରକୁ ରାସନ୍ ସାମଗ୍ରୀ ନେଇ ଫେରୁଥିବା ବେଳେ ଭୁବନ ଥାନା ଅନ୍ତର୍ଗତ ଏକତାଳି ପଞ୍ଚାୟତର ରୋଡଙ୍ଗ ଗ୍ରାମର ଯୁବକ ଚନ୍ଦନ ମଳିକଙ୍କୁ ସେହି ଗ୍ରାମର କିଛି ଯୁବକ ସଙ୍ଘବଦ୍ଧ ଭାବରେ ଧାରୁଆ ଛୁରୀ ଏବଂ ଠେଙ୍ଗାରେ ଆକ୍ରମଣ କରିଥିଲେ। ଜୀବନ ବିକଳରେ ଗ୍ରାମ ନାଳ ପାର ହୋଇ ଗୁରୁତର ଅବସ୍ଥାରେ ପୁରୁଷୋତ୍ତମପୁର ଓଡିଶା ଆଦର୍ଶ ବିଦ୍ୟାଳୟ ନିକଟରେ ପଡିରହିଥିଲେ । ବିଳମ୍ବିତ ରାତିରେ ଶୌଚ ହେବାକୁ ଯାଇଥିବା କିଛି ଗ୍ରାମବାସୀ ତାଙ୍କୁ ସେଠାରୁ ଉଦ୍ଧାର କରି ଭୁବନ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତି କରିଥିଲେ। ଅବସ୍ଥା ସଙ୍କଟାପନ୍ନ ହେବାରୁ ଚନ୍ଦନଙ୍କୁ କଟକ ବଡ ଡାକ୍ତରଖାନାକୁ ସ୍ଥାନନ୍ତର କରାଯାଇଛି । ତେବେ ଏହା ପୂର୍ବ ଶତ୍ରୁତାକୁ ନେଇ ଏଭଳି ଘଟିଥିବା ପୀଡିତଙ୍କ ବାପା କୈଳାସ ଥାନାରେ ଅଭିଯୋଗ କରିଛନ୍ତି। ଖବର ପାଇ ଭୁବନ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
About The Author
