ମନୋରଞ୍ଜନ
କଟକରୁ ଜବତ ହେଲା ବିପୁଳ ପରିମାଣ ଘୋଳ ବା ପଚା ଅଣ୍ଡା
କଟକ: କଟକରୁ ନକଲି ଖାଦ୍ୟ ସାମଗ୍ରୀ ପରେ ଏବେ ଜବତ ହୋଇଛି ବିପୁଳ ପରିମାଣ ଘୋଳ ବା ପଚା ଅଣ୍ଡା । କଟକରୁ ୧୦ ପେଟି ପଚା ଅଣ୍ଡା ଜବତ କଲା କଟକ ମହାନଗର ନିଗମ । ଆଠଗଡ଼ରୁ କଟକ ସାଆନ୍ତ ସାହି ଚାଲାଣ ବେଳେ ଏହି ପଚା ଅଣ୍ଡା ପେଟି ଜବତ ହୋଇଛି । ସାଆନ୍ତ ସାହି ବେକେରି ଫ୍ୟାକ୍ଟ୍ରିକୁ ଚାଲାଣ ବେଳେ ଜବତ କରିଛି ସିଏମସି । ପାଉଁରୁଟି, କେକ୍ ଭଳି ଖାଦ୍ୟ ସାମଗ୍ରୀ ପ୍ରସ୍ତୁତ ହେବା ଲାଗି ପଚା ଅଣ୍ଡାଗୁଡ଼ିକ ଆସିଥିବା କୁହାଯାଉଛି ।
ସିଏମସି ସ୍ବାସ୍ଥ୍ୟ ଅଧିକାରୀ ଓ ଖାଦ୍ୟ ସୁରକ୍ଷା ସ୍କ୍ବାଡ୍ ଘୋଳ ଅଣ୍ଡା ବୋଝେଇ ଗାଡି ଜବତ କରିବା ସହ ଡ୍ରାଇଭରକୁ ଅଟକ ରଖିଛନ୍ତି । ଗାଡିଟି କଟକ ସାଆନ୍ତସାହିରେ ଥିବା ବେକରୀ ଫ୍ୟାକଟ୍ରିକୁ ଯାଉଥିବା ଜଣାପଡିଛି । ଘୋଳଅଣ୍ଡାରୁ କେକ୍ ଓ ଅନ୍ୟ ବେକରୀ ସାମଗ୍ରୀ ତିଆରି ହୋଇ ସହର ଓ ଆଖପାଖ ମାର୍କେଟ ରେ ବିକ୍ରି ହୋଇଥାନ୍ତା । ତେବେ ଏନେଇ ଅଧିକ ଯାଞ୍ଚ କରୁଛନ୍ତି ସିଏମସି ଖାଦ୍ୟ ନିରାପତ୍ତା ଅଧିକାରୀ ।
ସୂଚନା ଅନୁଯାୟୀ, ପୂର୍ବରୁ କଟକ ଯୋବ୍ରା ଅଂଚଳରେ ଦୁଇଟି ବେକ୍ରୀ ଫ୍ୟାକଟ୍ରି ଉପରେ ଚଢାଉ ବେଳେ ପଚା ଅଣ୍ଡା ସଂପର୍କରେ ଖବର ମିଳିଥିଲା ।
About The Author
