ମନୋରଞ୍ଜନ
ଓଡ଼ିଶା
ଶିଖରଚଣ୍ଡୀ ଜଙ୍ଗଲରେ ନିଆଁ
ଭୁବନେଶ୍ୱର: ହୁତୁ ହୁତୁ ହୋଇ ଜଳୁଛି ଭୁବନେଶ୍ବରସ୍ଥିତ ଶିଖରଚଣ୍ଡୀ ଜଙ୍ଗଲ। ଶିଖରଚଣ୍ଡୀ ପାହାଡ଼ର ଅଧିକାଂଶ ଅଞ୍ଚଳ ଜଳୁଥିବା ଦେଖିବାକୁ ମିଳିଛି। ଖବର ପାଇ ଅଗ୍ନିଶମ କର୍ମଚାରୀ ପହଞ୍ଚି ନିଆଁ ଲିଭାଇବାକୁ ଉଦ୍ୟମ କରିଛନ୍ତି । ପାହାଡର ଉପର ପାର୍ଶ୍ୱରେ ନିଆଁ ଲାଗିଥିବା ଦେଖାଯାଇଛି। ତେବେ ଏହି ନିଆଁକୁ କେହି ଦୁର୍ବୃତ୍ତ ଜାଣିଶୁଣି ଲଗାଇଥିବା ଅନୁମାନ କରାଯାଉଛି । ନିଆଁରେ ପ୍ରାୟ ୫ ଏକର ଜଙ୍ଗଲ ନଷ୍ଟ ହୋଇଯାଇଛି। ତେବେ ସନ୍ଧ୍ୟା ସୁଦ୍ଧା ନିଆଁ ଆୟତ୍ତ ହୋଇ ନ ଥିବା ସୂଚନା ମିଳିଛି । ତେବେ ଏହି ନିଆଁ କିଏ ଲଗାଇଛି ତାହା ଏବେ ସୁଦ୍ଧା ସ୍ପଷ୍ଟ ଜଣାପଡ଼ି ନାହିଁ ।
ସେହିଭଳି ନିକଟରେ ଅନ୍ୟ ଜଙ୍ଗଲରେ ମଧ୍ୟ ନିଆଁ ଲାଗିଥିବା ଦେଖାଯାଇଛି । କିନ୍ତୁ କିଛି ଜଙ୍ଗଲରେ ଆପେ ଆପେ ନିଆଁ ଲାଗିଥିବା ଅନୁମାନ କରାଯାଉଛି । ତେବେ ଖରାର ପ୍ରକୋପ ନ ବଢ଼ୁଣୁ ଯଦି ଜଙ୍ଗଲରେ ଏଭଳି ନିଆଁ ଲାଗିବ ତେବେ ଆଗକୁ କ’ଣ ହେବ ସେନେଇ ପରିବେଶବିତ୍ ଚିନ୍ତାରେ ପଡ଼ି ଯାଇଛନ୍ତି।
About The Author
