ମନୋରଞ୍ଜନ
ଓଡ଼ିଶା
20 Feb 2022
By The Sakala
ପଞ୍ଚାୟତ ନିର୍ବାଚନ: ପୁଣି ଉତ୍ତେଜନା, କୋରେଇ ବ୍ଲକର ୪ଟି ବୁଥରେ ବନ୍ଦ ରହିଲା ମତଦାନ
ଯାଜପୁର: ତୃତୀୟ ପର୍ଯ୍ୟାୟ ପଞ୍ଚାୟତ ନିର୍ବାଚନ ବେଳେ ଯାଜପୁରରେ ପୁଣି ଉତ୍ତେଜନା ଦେଖିବାକୁ ମିଳିଛି। ଗୋଳେଇପୁର ପଞ୍ଚାୟତ ସୋତି ଗାଁରେ ବୁଥ୍ ସାମ୍ନାରେ କୋରେଇ ବିଡ଼ିଓ ରଞ୍ଜନ ପରିଡ଼ାଙ୍କୁ କିଛି ଦୁର୍ବୃତ୍ତ ଆକ୍ରମଣ କରିଥିବା ଅଭିଯୋଗ ହୋଇଛ । ଏହି ଘଟଣା ପରେ ସେଠାରେ ଉତ୍ତେଜନା ଦେଖାଦେଇଛି। କୋରେଇ ବ୍ଲକରେ ୪ଟି ବୁଥରେ ବନ୍ଦ ରହିଛି ମତଦାନ ।
ମତଦାନ କେନ୍ଦ୍ର ଆଗରେ କୋରେଇ ବିଡିଓଙ୍କୁ ଠେଲାପେଲା କରିଛନ୍ତି ଦୁର୍ବୃତ୍ତ । ବୁଥ୍ ଜବରଦଖଲ ଉଦ୍ୟମ ଖବର ପାଇ ବିଡିଓ ପହଞ୍ଚିବାରୁ ତାଙ୍କୁ ଠେଲାପେଲା କରିଥିଲେ । ଗଣ୍ଡଗୋଳ ପରେ ୮,୯, ୧୦ ଓ ୧୧ ନମ୍ବର ବୁଥରେ ମତଦାନ ବନ୍ଦ ରହିଛି । ଉତ୍ୟକ୍ତ ଲୋକଙ୍କୁ ଭୋଟଗ୍ରହଣ କେନ୍ଦ୍ରରୁ ବାହାର କରି ଦେଇଛି ପୁଲିସ । ଏଥିସହ ମତଦାନ କେନ୍ଦ୍ରର ମେନ୍ ଗେଟକୁ ବନ୍ଦ କରି ଦିଆଯାଇଛି । ଉତ୍ତେଜନା ଲାଗି ରହିଥିବାରୁ ସେଠାରେ ବ୍ୟାପକ ପୋଲିସ ମୁତୟନ ଅଛନ୍ତି ।
https://www.thesakala.in/latest-odisha-news/voting-was-closed-at-4-polling-booths-in-korei-block-due-to-korei-bdo-allegedly-attacked-in-front-of-polling-booth/article-9392
About The Author
