ମନୋରଞ୍ଜନ
01 Dec 2022
By The Sakala
ନିବେଶ ଦୃଷ୍ଟିରୁ ଓଡ଼ିଶା ଭାରତର ସର୍ବୋତ୍ତମ ପ୍ରଦେଶ: ଅନିଲ ଅଗ୍ରୱାଲ
ଭୁବନେଶ୍ୱର: ଗତ ୨୨ ବର୍ଷ ମଧ୍ୟରେ ଓଡ଼ିଶାର ପ୍ରଗତି ଅବିଶ୍ୱସନୀୟ । ନିବେଶ ଦୃଷ୍ଟିରୁ ଓଡ଼ିଶା ଭାରତର ସର୍ବୋତ୍ତମ ପ୍ରଦେଶ । ମେକ୍ ଇନ୍ ଓଡ଼ିଶା କନକ୍ଲେଭ୍ର ତୃତୀୟ ସଂସ୍କରଣର ଦ୍ୱିତୀୟ ଦିନରେ ବେଦାନ୍ତ ଗ୍ରୁପର ଚେୟାରମ୍ୟାନ ଅନିଲ ଅଗ୍ରୱାଲ ଯୋଗ ଦେଇ କିଛି ଏପରି କହିଛନ୍ତି ।
ଅନିଲ ଅଗ୍ରୱାଲ ନିଜ ଭାଷଣରେ କହିଥିଲେ ଯେ, ଦୁନିଆ ଚାହୁଁନି ଭାରତ ପ୍ରଗତି କରୁ । ଦୁନିଆ ଚାହୁଁଛି ଭାରତ କେବଳ ଆମଦାନୀ କରୁ । ଫଳରେ ଭାରତ ଶିଳ୍ପବିକଶିତ ରାଷ୍ଟ୍ରରେ ପରିଣତ ହେବ ନାହିଁ । କିନ୍ତୁ ଓଡ଼ିଶା ଏହାକୁ ବଦଳାଇ ଦେଇଛି । ଓଡ଼ିଶା ରପ୍ତାନୀ ଭିତ୍ତିକ ଅର୍ଥନୀତିର ଭିତ୍ତି ସ୍ଥାପନ କରିଛି । ନବୀନ ବାବୁଙ୍କ ନେତୃତ୍ୱରେ ଓଡ଼ିଶା ପ୍ରଗତିପଥରେ ଅଗ୍ରସର ଅଛି । ଏଠାରେ ଉପସ୍ଥିତ ଥିବା ସମସ୍ତ ଶିଳ୍ପପତି ଜାଣନ୍ତି ଯେ, ସବୁ ରାଜ୍ୟ ଶିଳ୍ପପତିଙ୍କୁ ନିମନ୍ତ୍ରଣ କରୁଛନ୍ତି କିନ୍ତୁ ଓଡ଼ିଶାରେ ଯେଉଁଭଳି ଉତ୍ସାହ ଅଛି ତାହା ଅନ୍ୟତ୍ର ନାହିଁ ।
https://www.thesakala.in/latest-odisha-news/odisha-is-the-best-state-in-india-in-terms-of-investment-anil-agarwal/article-16994
About The Author
