ପ୍ରେମିକ ସହ ବିବାହ କରାଇଦେବାକୁ ମାଁ ସମଲେଇଙ୍କୁ ଗୁହାରି; ହୁଣ୍ଡିରୁ ବାହାରିଲା ପ୍ରେମିକାଙ୍କ ପ୍ରେମଭରା ଚିଠି

By The Sakala

Published On Sep 26, 2022 10:26 PM IST

ସମ୍ବଲପୁର: ମା ସମଲେଇଙ୍କ ଭରସାରେ ପ୍ରେମିକା । ମା’ ସମଲେଶ୍ୱରୀଙ୍କ ଦାନ ହୁଣ୍ଡିରୁ ଟଙ୍କା ଗଣତି ବେଳେ ବାହାରିଲା ଜଣେ ପ୍ରେମିକାଙ୍କ ପ୍ରେମଭରା ଚିଠି । ପ୍ରେମକୁ ସ୍ବୀକୃତି ଦେଇ ବିବାହ କରାଇଦେବାକୁ ମା’ ସମଲେଶ୍ବରୀଙ୍କୁ ଚିଠି ଲେଖିଛନ୍ତି ଜଣେ ଯୁବତୀ । ପ୍ରେମିକ ରବୀନ୍ଦ୍ର ସହିତ ବିବାହ କରାଇଦେବା ପାଇଁ ମାଆଙ୍କୁ ଚିଠି ମାଧ୍ୟମରେ ଅନୁରୋଧ କରିଛନ୍ତି ଜଣେ ଅଜଣା ଯୁବତୀ । ଜୟ ମାଁ ସମଲେଇ, ମାଁ ଗୋ ମୋର ଜୁହାର ଗ୍ରହଣ କର। […]

ସମ୍ବଲପୁର: ମା ସମଲେଇଙ୍କ ଭରସାରେ ପ୍ରେମିକା । ମା’ ସମଲେଶ୍ୱରୀଙ୍କ ଦାନ ହୁଣ୍ଡିରୁ ଟଙ୍କା ଗଣତି ବେଳେ ବାହାରିଲା ଜଣେ ପ୍ରେମିକାଙ୍କ ପ୍ରେମଭରା ଚିଠି । ପ୍ରେମକୁ ସ୍ବୀକୃତି ଦେଇ ବିବାହ କରାଇଦେବାକୁ ମା’ ସମଲେଶ୍ବରୀଙ୍କୁ ଚିଠି ଲେଖିଛନ୍ତି ଜଣେ ଯୁବତୀ । ପ୍ରେମିକ ରବୀନ୍ଦ୍ର ସହିତ ବିବାହ କରାଇଦେବା ପାଇଁ ମାଆଙ୍କୁ ଚିଠି ମାଧ୍ୟମରେ ଅନୁରୋଧ କରିଛନ୍ତି ଜଣେ ଅଜଣା ଯୁବତୀ ।

ଜୟ ମାଁ ସମଲେଇ, ମାଁ ଗୋ ମୋର ଜୁହାର ଗ୍ରହଣ କର। ମାଁ ମୁଇଁ ତୋର ନିକେ ଗୁଟେ ଆଶା ନେଇ କରି ଆସିଛେ। ମାଆ ଗୋ ମୋର ପ୍ୟାର ରବୀନ୍ଦ୍ର ସାଙ୍ଗେ ମୋତେ ବିହା କରେଇ ଦେ, ମାଆ ସମକିରର ସହମତିରେ। ଜୟ ମା’ ଜଗତଜନନୀ କି ଜୟ। ଆଜି ମା ସମଲେଶ୍ୱରୀଙ୍କ ହୁଣ୍ଡିରୁ ମିଳିଛି ଏହି ଚିଠି। ଚିଠିରେ ରହିଛି ସମ୍ବଲପୁରର ଅଧିଷ୍ଠାତ୍ରୀ ଦେବୀ ମା ସମଲେଇଙ୍କୁ ଜଣେ ଭକ୍ତର ଆକୁଳ ନିବେଦନ। ନିଜ ପ୍ରେମକୁ ସାକାର କରିବାକୁ ମାଆଙ୍କୁ ଜଣାଇଛନ୍ତି ମନର କଥା। ତାଙ୍କ ଗୁହାରୀର ମାଧ୍ୟମ ହେଉଛି ଏ ହାତଲେଖା ଚିଠି। ଆଜି ସମେଲେଙ୍କ ହୁଣ୍ଡି ଖୋଲାଯାଇ ଟଙ୍କା ଗଣତି ବେଳେ ସାମ୍ନାକୁ ଆସିଛି ଏଭଳି ଚିଠି।

ତେବେ ମାଆଙ୍କ ଦାନ ହୁଣ୍ଡିରୁ ଦୁଇଟି ଚିଠି ମିଳିଥିବାବେଳେ, ଗୋଟିଏ ଚିଠି ଓଡ଼ିଆରେ ଲେଖାଅଛି । ଅନ୍ୟଟି ବଙ୍ଗଳା ଭାଷାରେ ଲେଖାଥିବା ଦେଖିବାକୁ ମିଳିଛି । ସିନ୍ଦୂର ବୋଳା ହୋଇ ଚିଠିଟି ମା’ଙ୍କ ହୁଣ୍ଡିରେ ପଡ଼ିଥିଲା।