ମନୋରଞ୍ଜନ
07 Aug 2022
By The Sakala
ଡ଼େରଜାଙ୍ଗ ଡ୍ୟାମ୍ରେ ବୁଡ଼ି ଇଞ୍ଜିନିୟର ନିଖୋଜ
ଅନୁଗୁଳ : ଅନୁଗୁଳ ଜିଲ୍ଲା ଜରପଡ଼ା ଥାନା ଅନ୍ତର୍ଗତ ଡ଼େରଜାଙ୍ଗ ମଧ୍ୟମ ଜଳସେଚନ ପ୍ରକଳ୍ପ ଭିତରେ ଜଣେ ଯୁବ ଇଞ୍ଜିନିୟର ପାଣି ବୁଡ଼ି ନିଖୋଜ ହୋଇ ଯାଇଛନ୍ତି।
ସୂଚନା ଅନୁଯାୟୀ, ନାଲକୋର ୩ / ୪ ଜଣ ଯୁବକ ରବିବାର ବର୍ଷାରେ ଡ଼େରଜାଙ୍ଗ ଜଳ ସେଚନ ପ୍ରକଳ୍ପକୁ ବୁଲିବାକୁ ଯାଇଥିଲେ । ସେଠାରେ ସେମାନେ ଜଳ ଭଣ୍ଡାରେ ଗାଧୋଇବାକୁ ଯାଇଥିଲେ । ସେମାନଙ୍କ ମଧ୍ୟରୁ ବିଭାଂଶୁ ହୋତା ( ୨୮ ) ନାମକ ଜଣେ ଯୁବକ ପାଣିରେ ବୁଡ଼ି ଯାଇଥିଲେ । ତାଙ୍କର ପତ୍ତା ମିଳି ନାହିଁ । ଖବରପାଇ ଅନୁଗୁଳ ସଦର ଥାନା ଓ ଜରପଡ଼ା ଥାନା ପୁଲିସ ସହ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଗେଜା ଖୋଜି ଆରମ୍ଭ କରିଛନ୍ତି । ୬ ଜଣ ଅଗ୍ନିଶମ କର୍ମଚାରୀ ଜଳଭଣ୍ଡାରରେ ଖୋଜା ଖୋଜି କରୁଛନ୍ତି । ତେବେ ତୁହାକୁ ତୁହା ବର୍ଷା ଯୋଗୁଁ ଉଦ୍ଧାର କାର୍ଯ୍ଯ ବାଧାପ୍ରାପ୍ତ ହେଉଛି । ଖବର ଲେଖା ହେବା ପର୍ଯ୍ଯନ୍ତ ବିଭାଂଶୁଙ୍କ ପତ୍ତା ମିଳି ନାହିଁ ବୋଲି ପୁଲିସ ସୂତ୍ରରୁ ପ୍ରକାଶ ।
https://www.thesakala.in/latest-odisha-news/angul/engineer-missing-after-drowning-in-derjang-dam/article-13953
About The Author
