ମନୋରଞ୍ଜନ
ଓଡ଼ିଶା
ବିଶ୍ବର ଟପ୍-୨୦ ଧନୀ ତାଲିକାରେ ପୁଣି ସାମିଲ ହେଲେ ଗୌତମ ଆଦାନୀ
ନୂଆଦିଲ୍ଲୀ: କିଛି ଦିନର ବ୍ୟବଧାନ ପରେ ପୁଣି ବଢିଛି ଭାରତୀୟ ଶିଳ୍ପପତି ତଥା ଆଦାନୀ ଗ୍ରୁପ୍ର ଅଧ୍ୟକ୍ଷ ଗୌତମ ଆଦାନୀଙ୍କ ସମ୍ପତ୍ତିର ପରିମାଣ । ସମ୍ପତ୍ତିରେ ସଦ୍ୟତମ ବୃଦ୍ଧି ପରେ ଆଦାନୀ ବିଶ୍ବର ଟପ୍-୨୦ ଧନୀ ତାଲିକାକୁ ଫେରିଛନ୍ତି। ବ୍ଲୁମବର୍ଗ ବିଲିୟନେୟାର ସୂଚକାଙ୍କ ଅନୁଯାୟୀ ଗତ ୨୪ ଘଣ୍ଟା ମଧ୍ୟରେ ଆଦାନୀଙ୍କ ସମ୍ପତ୍ତି ମୂଲ୍ୟ ୨.୯୨ ବିଲିୟନ ଡ଼ଲାର (୨୪,୨୬୮କୋଟି) ବୃଦ୍ଧି ପାଇଛି ।
ବ୍ଲୁମବର୍ଗ ବିଲିୟନେୟାର ସୂଚକାଙ୍କ ଅନୁଯାୟୀ ଆଦାନୀ ସମ୍ପ୍ରତି ଏହି ତାଲିକାରେ ୨୦ତମ ସ୍ଥାନରେ ରହିଛନ୍ତି । ଗତ କିଛି ଦିନ ଧରି ଆଦାନୀଙ୍କ ତାଲିକାଭୁକ୍ତ ୧୦ଟି କମ୍ପାନୀ ଷ୍ଟକ୍ ବଜାରରେ ବଢ଼ିଆ ପ୍ରଦର୍ଶନ କରିଥିଲା । ସେୟାର ବୃଦ୍ଧି ଯୋଗୁଁ ଆଦାନୀ ଗ୍ରୁପର ମାର୍କେଟ କ୍ୟାପିଟାଲାଇଜେସନ ମଧ୍ୟ ୧୧ ଲକ୍ଷ କୋଟି ଟପିଛି ।
ଚଳିତ ବର୍ଷ ଆରମ୍ଭରେ ଆମେରିକାର ସର୍ଟ ସେଲର ସଂସ୍ଥା ହିଣ୍ଡେନବର୍ଗ ରିପୋର୍ଟ ପରେ ଆଦାନୀ ଗ୍ରୁପର ବଜାର କ୍ୟାପ୍ ପୂରା କମିଯାଇଥିଲା। ହିଣ୍ଡେନବର୍ଗ ରିପୋର୍ଟ ପରେ ଆଦାନୀ ଗ୍ରୁପ୍ ପ୍ରଥମ ଥର ପାଇଁ ବଜାର ମୂଲ୍ୟର ଏହି ସଂଖ୍ୟା ଅତିକ୍ରମ କରିଛି । ହିଣ୍ଡେନବର୍ଗ ରିପୋର୍ଟ ପରେ ଆଦାନୀ ଗ୍ରୁପ୍ ର ସମସ୍ତ କମ୍ପାନୀର ସେୟାର କ୍ରାସ୍ ହୋଇଥିଲା ।
About The Author
