ମନୋରଞ୍ଜନ
ଓଡ଼ିଶା
ଜାପାନ ଆଣିଲା ବିଶ୍ୱର ପ୍ରଥମ ଉଡ଼ନ୍ତା ବାଇକ୍
ନୂଆଦିଲ୍ଲୀ : ଜାପାନର ଏଏଲଆଇ ଟେକ୍ନୋଲୋଜି କମ୍ପାନୀ ବିଶ୍ବର ପ୍ରଥମ ଉଡ଼ନ୍ତା ବାଇକ ପ୍ରଚଳନ ଆରମ୍ଭ କରିଛି। ଉଡ଼ନ୍ତା ବାଇକ ପ୍ରସ୍ତୁତି କ୍ଷେତ୍ରରେ ଏହି କମ୍ପାନୀ ବିଗତ କିଛି ବର୍ଷ ଧରି ଗବେଷଣା ଜାରି ରଖିଥିଲା ବେଳେ ଏବେ ଏକ୍ସଟୁରିଜମୋ ନାମରେ ସଂକ୍ଷିପ୍ତ ସଂଖ୍ୟକ ଏହି ଧରଣର ବାଇକ ଉନ୍ମୋଚନ କରିଛି। ଜାପାନରେ ଏହାର ପ୍ରଦର୍ଶନ କରାଯାଇଥିବା ବେଳେ ଏହାର ମୂଲ୍ୟ ୭୭.୭ ୟେନ ବା ଭାରତୀୟ ମୁଦ୍ରାରେ ୫.୧ କୋଟି ଟଙ୍କା ରହିଛି।
ଜାପାନର ପ୍ରତିଷ୍ଠିତ ଫୁଟ୍ବଲ୍ ଖେଳାଳି କେଇସୁକେ ହୋଣ୍ଡାଙ୍କ ପୃଷ୍ଠପୋଷକତାରେ ୨୦୧୭ ଠାରୁ ଏହି କମ୍ପାନୀ ଏଭଳି ହୋଭର ବାଇକ ପ୍ରସ୍ତତି ପାଇଁ କାର୍ଯ୍ୟ ଆରମ୍ଭ କରିଥିଲା। ଆସନ୍ତା ବର୍ଷ ଗ୍ରାହକମାନଙ୍କୁ ଏହା ଯୋଗାଇ ଦେବାକୁ କମ୍ପାନୀ ଲକ୍ଷ୍ୟ ରଖିଥିବା ବେଳେ ଏବେ ଠାରୁ ବୁକିଂ ଆରମ୍ଭ ହୋଇଯାଇଛି। ଏହି ବାଇକ ଘଣ୍ଟାପ୍ରତି ୧୦୦ କିଲୋମିଟର ବେଗରେ ୪୦ ମିନିଟ୍ ପର୍ଯ୍ୟନ୍ତ ଉଡ଼ିପାରିବ ବୋଲି କମ୍ପାନୀ ପକ୍ଷରୁ କୁହାଯାଇଛି।
About The Author
