ମନୋରଞ୍ଜନ
ଆଇସିସି ବିଶ୍ୱକପ୍ ୨୦୨୩: ନ୍ୟୁଜିଲାଣ୍ଡକୁ ୪ ୱିକେଟରେ ହରାଇଲା ଭାରତ
ଧର୍ମଶାଳା: ଆଇସିସି ବିଶ୍ୱକପ୍ ୨୦୨୩ । ସୁପର ସନ୍ଣ୍ଡେରେ ଆଜି ଧର୍ମଶାଳା ଷ୍ଟାଡିୟମ୍ରେ ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ସୁପର ଫାଇଟ୍ ଦେଖିବାକୁ ମିଳିଥିଲା । ଟସ୍ ଜିତି ଭାରତ ଅଧିନାୟକ ରୋହିତ ଶର୍ମା ପ୍ରଥମେ ବୋଲିଙ୍ଗ୍ କରିବାକୁ ନିଷ୍ପତ୍ତି ନେଇଥିଲେ। ପ୍ରଥମେ ବ୍ୟାଟିଂ କରି ନ୍ୟୁଜିଲାଣ୍ଡ ସମସ୍ତ ୱିକେଟ ହରାଇ ୨୭୩ ରନ କରିଥିଲା । ଭାରତ ୬ ୱିକେଟ ହରାଇ ୪୮ ଓଭରରେ ୨୭୪ରନ କରି ଏହି ମ୍ୟାଚକୁ ଜିତି ନେଇଛି।
ଭାରତ ପକ୍ଷରୁ ରୋହିତ ଶର୍ମା ୪୦ ବଲରେ ୪୬ ରନ କରି ଆଉଟ ହୋଇଥିବା ବେଳେ ଶୁଭମନ ଗିଲ୍ ୩୧ ବଲରେ ୨୬ ରନ କରି ଆଉଟ ହୋଇଥିଲେ। ପରେ ପାରିକୁ ବିରାଟ କୋହଲି ଓ ଶ୍ରେୟାସ ଆୟର ସମ୍ଭାଳିଥିଲେ। ଶ୍ରେୟାସ ଆୟର ୨୯ ବଲରେ ୩୩ ରନ କରି ଆଉଟ ହୋଇଥିଲେ। ପରେ ବିରାଟଙ୍କ ସାଥ ଦେବା ପାଇଁ କେଏଲ ରାହୁଲ ପଡିଆକୁ ଆସିଥିଲେ। କେଏଲ ରାହୁଲ ୩୫ ବଲରେ ୨୭ ରନ କରି ଆଉଟ ହୋଇଥିଲେ। ସୂର୍ଯ୍ୟକୁମାର ଯାଦବ ୪ ବଲରେ ୨ରନ କରି ରନ ଆଉଟ ହୋଇଥିଲେ। ପରେ ବିରାଟଙ୍କ ସାଥ ଦେବା ପାଇଁ ରବିନ୍ଦ୍ର ଜାଡେଜା ଆସିଥିଲେ। ବିରାଟ କୋହଲି ୧୦୪ ବଲରେ ୯୫ରନ କରି ଆଉଟ ହୋଇଥିଲେ। ରବିନ୍ଦ୍ର ଜାଡେଜା ୪୪ ବଲରେ ୩୯ ରନ କରି ଅପରାଜିତ ରହିଥିଲେ।
ନ୍ୟୁଜିଲାଣ୍ଡ ପକ୍ଷରୁ ଲକି ଫର୍ଗୁସନ ୨ଟି ୱିକେଟ ନେଇଥିବା ବେଳେ ମିଚେଲ୍ ସାଣ୍ଟନର, ମାଟ୍ ହେନରୀ ଓ ଟ୍ରେଣ୍ଟ ବୋଲ୍ଟ ଗୋଟିଏ ଲେଖାଏଁ ୱିକେଟ ନେଇଥିଲେ।
About The Author
