ଆଜିକାଲି ସମସ୍ତଙ୍କୁ ଚାକିରିଟିଏ ମିଳୁ ନାହିଁ। ଡିଗ୍ରୀ, ଡିପ୍ଲୋମାଧାରୀ ଦେଶର ଲକ୍ଷ ଲକ୍ଷ ଯୁବକ ଯୁବତୀ ବେକାର ରହିଛନ୍ତି। ହେଲେ କିଛି ଚାକିରି ଏଭଳି ଅଛି, ଯାହା ପାଇଁ କୌଣସି ସ୍ବତନ୍ତ୍ର ଡିଗ୍ରୀ ତଥା ଡିପ୍ଲୋମାର ଆବଶ୍ୟକତା ନାହିଁ। ଅବଶ୍ୟ ଏ ଲାଗି ପରିଶ୍ରମ ଏବଂ ଅଭିଜ୍ଞତା ବେଶି ଜରୁରି ବୋଲି କୁହାଯାଏ।

ପ୍ରଫେସନାଲ ବ୍ଲଗର୍‌: ଏ ଲାଗି କୌଣସି ନ୍ୟୂନତମ ଶିକ୍ଷାଗତ ଯୋଗ୍ୟତାର ଆବଶ୍ୟକତା ନାହିଁ। ବିଜ୍ଞାପନ ଏବଂ ଅନ୍ୟ ମୁଦ୍ରୀକରଣ ରଣନୀତି ମାଧ୍ୟମରେ ରୋଜଗାର କରିପାରିବେ।

ଡ୍ୟାନ୍ସ ଇନ୍‌ଷ୍ଟ୍ରକ୍ଟର: ଡ୍ୟାନ୍ସ ଇନଷ୍ଟ୍ରକ୍ଟର ହେବା ଲାଗି ପ୍ରଥମେ ଟ୍ରେନିଂର ଆବଶ୍ୟକତା ଥାଏ। ସର୍ବନିମ୍ନ ଶିକ୍ଷାଗତ ଯୋଗ୍ୟତା ଯୁକ୍ତ ଦୁଇ ହେବା ଦରକାର। ଅଭିଜ୍ଞ ବ୍ୟକ୍ତିବିଶେଷଙ୍କୁ ଅଗ୍ରାଧିକାର ପ୍ରଦାନ କରାଯାଏ। ଅଭିଜ୍ଞତା ଅନୁସାରେ ଆୟ ବୃଦ୍ଧି ପାଏ।

ଲେଖକ: ଯୁକ୍ତ ଦୁଇ ପଢ଼ାରେ ଏହାକୁ ଜଣେ କ୍ୟାରିୟର ଭାବେ ଆପଣାଇପାରିବେ। ଏ ଲାଗି ନିଜ ଭିତରେ ସୃଜନଶୀଳତା ତଥା ଲେଖାଲେଖିରେ ରୁଚି ଥିବା ଆବଶ୍ୟକ। ପତ୍ର ପତ୍ରିକା ପାଇଁ ଲେଖି ମଧ୍ୟ ରୋଜଗାର କରି ହେବ।

ରିୟଲ୍‌ ଇଷ୍ଟେଷ୍ଟ ଏଜେଣ୍ଟ: ରିୟଲ୍‌ ଇଷ୍ଟେଷ୍ଟ ଏଜେଣ୍ଟ ଭାବେ କାମ କରିବା ଲାଗି କୌଣସି ଡିଗ୍ରୀ ଆବଶ୍ୟକ ପଡ଼ି ନ ଥାଏ। ଏ ଲାଗି ଲାଇସେନ୍ସ ପ୍ରାପ୍ତ କରିବାକୁ ହୁଏ। ଏ କ୍ଷେତ୍ରରେ ରୋଜଗାର ଭିନ୍ନ ଭିନ୍ନ ହୋଇଥାଏ।

ମେକ୍‌ଅପ୍‌ ଆର୍ଟିଷ୍ଟ: ମେକ୍‌ଅପ୍‌ ଆର୍ଟିଷ୍ଟ ହେବା ଲାଗି ବି ନିର୍ଦ୍ଦିଷ୍ଟ କିଛି ଶିକ୍ଷାଗତ ଯୋଗ୍ୟତାର ଆବଶ୍ୟକତା ନାହିଁ। ପ୍ରାରମ୍ଭିକ ପର୍ଯ୍ୟାୟରେ ମାସକୁ ୧୫ ହଜାର ରୋଜଗାର କରିପାରିବେ ଏବଂ ସମୟ ସହିତ ପାରିଶ୍ରମିକ ବୃଦ୍ଧି ପାଏ।