ନୂଆଦିଲ୍ଲୀ: ନିଷ୍ଠୁର ମା’। ହୋମୱାର୍କ ନ କରିଥିବାରୁ ଛୁଆକୁ ଏମିତି ଶାସ୍ତି ଦେଇଛି ଯେ ଯାହକୁ ଦେଖିଲେ ଆପଣଙ୍କ ଛାତି ଥରି ଉଠିବ। ଏଭଳି ଛାତିଥରା ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଭାଇରାଲ ଭିଡିଓରେ ଦେଖିବାକୁ ମିଳିଛି ଯେ, ଛୁଆଟି ହୋତଗୋଡ ବାନ୍ଧାଯଇଛି। ଡହଡ଼ହ ଖରାବେଳଟାରେ ହୋତଗୋଡ ବନ୍ଧି ଛାତଉପରେ ଛୁଆଟିକୁ ଶୁଆଇ ଦିଆଯାଇଛି। ଭିଡିଓରେ ଏହା ସ୍ପଷ୍ଟ ଜଣାପଡ଼ୁଛି ଯେ ଝଅଟି କାନ୍ଦିକାନ୍ଦି ଚିତ୍କାର କରୁଛି। ସେ ଆଉ ଏପରି ଭୁଲ  ନ କରିବାକୁ ତାଙ୍କ ମା’ଙ୍କୁ ପ୍ରତିଶୃତି ଦେଉଛି।

ଖବର ଅନୁଯାୟୀ, ଏହି ଘଟଣାଟି ଦିଲ୍ଲୀର ତୁକମିର ପୁର ଗଳି ନଂ ୨ରେ ଘଟିଥିବା କୁହାଯାଉଛି। ଭିଡିଓ ଭାଇରାଲ ହେବା ପରେ ପୁଲିସ ତଦନ୍ତ ଆରମ୍ଭ କରିଛି। ଖବର ପାଇ ପୁଲିସ ଝିଅର ଘରେ ପହଞ୍ଚିଥିଲା। ପଚାରାଉଚାରେ ସମୟରେ ମାଆ କହିଥିଲେ ଯେ, ଝିଅ ହୋମ ୱାର୍କ କରି ନ ଥିଲା। ସେଥିପାଇଁ ଆମେ ତା’ ହାତ ଏବଂ ପାଦକୁ ଦଉଡିରେ ୫ରୁ ୭ ମିନିଟ୍ ପର୍ଯ୍ୟନ୍ତ ବାନ୍ଧି ଛାତ ଉପରେ ଶୋଇବା ପାଇଁ କହିଥିଲୁ। ଯାହାଫଳରେ ସେ ପ୍ରତିଦିନ ନିଜ ହୋମୱାର୍କ ଠିକ ସମୟରେ କରିବ। କିଛି ସମୟ ପରେ ଆମେ ତା’ର ହାତ ଓ ପାଦ ଖୋଲି ତଳକୁ ଆଣିଥିଲୁ।

ଯେତେବେଳେ ମାଆ ତାଙ୍କ ପିଲାଟିକୁ ଦଣ୍ଡ ଦେବା ପାଇଁ ହାତଗୋଡ଼ ବାନ୍ଧି ଛାତ ଉପରେ ଶୁଆଇ ଦେଇଥିଲେ ସେତେବେଳେ ସେ ସେ ଚିତ୍କାର କରୁଥିଲା।  ଝିଅର କ୍ରନ୍ଦନ ଶୁଣି ପଡୋଶୀମାନେ ଏହି ଭିଡିଓ ପ୍ରସ୍ତୁତ କରି ସୋସିଆଲ ମିଡିଆରେ ପୋଷ୍ଟ କରିଥିଲେ।