ନୂଆଦିଲ୍ଲୀ : କ୍ଲାଉଡ଼ିଆ ଗୋଲ୍ଡିନ୍‌ଙ୍କୁ ଅର୍ଥନୀତିରେ ମିଳିଛି ନୋବେଲ ପ୍ରାଇଜ। ହାର୍ଭାର୍ଡ ବିଶ୍ୱବିଦ୍ୟାଳୟର ପ୍ରଫେସର ଥିବା କ୍ଲାଉଡ଼ିଆ ଗୋଲ୍ଡିନ୍‌ଙ୍କୁ ମହିଳା ଶ୍ରମଶକ୍ତି ଗବେଷଣା କ୍ଷେତ୍ରରେ ତାଙ୍କ ଅବଦାନ ପାଇଁ ନୋବେଲ ପ୍ରଦାନ କରାଯିବ। ଅର୍ଥନୀତିରେ ନୋବେଲ ପାଇବାରେ କ୍ଲାଉଡିଆ ହେଉଛନ୍ତି ତୃତୀୟ ମହିଳା।

୭୭ ବର୍ଷୀୟ ଆମେରିକୀୟ ଅର୍ଥନୀତିଜ୍ଞ କ୍ଲାଉଡିଆ ଗୋଲ୍ଡିନ୍ ମହିଳାଙ୍କ ରୋଜଗାର ପ୍ରସଙ୍ଗରେ କରିଛନ୍ତି ଗବେଷଣା। ଶତାବ୍ଦୀ ଧରି ମହିଳାଙ୍କ ରୋଜଗାର ଏବଂ ଶ୍ରମ ବଜାରରେ ଅଂଶଗ୍ରହଣର ବିସ୍ତୃତ ବିବରଣୀ ପ୍ରଦାନ କରିବାକୁ କ୍ଲାଉଡିଆ ଗୋଲ୍ଡିନ୍ କାର୍ଯ୍ୟ କରିଛନ୍ତି । ତାଙ୍କ ଅନୁସନ୍ଧାନ ଶ୍ରମ ବଜାରରେ ପରିବର୍ତ୍ତନ କାରଣ ଏବଂ ଅବଶିଷ୍ଟ ଲିଙ୍ଗଗତ ବ୍ୟବଧାନର ମୁଖ୍ୟ ଉତ୍ସଗୁଡିକ ପ୍ରକାଶ କରିଥିଲା। କ୍ଲାଉଡ଼ିଆ ଗୋଲ୍ଡିନ୍‌ଙ୍କ ଅନୁସନ୍ଧାନରୁ ଜଣାପଡିଛି ଯେ ବିଶ୍ ବଜାରରେ ଶ୍ରମ ବଜାରରେ ମହିଳାମାନେ ବହୁ କମ୍‌ ପରିମାଣରେ କାମ କରିବାର ସୁଯୋଗ ପାଆନ୍ତି, ଯେତେବେଳେ ସେମାନେ କାମ କରନ୍ତି ସେମାନେ ପୁରୁଷଙ୍କ ତୁଳନାରେ କମ୍ ରୋଜଗାର କରନ୍ତି। ଗୋଲ୍ଡିନ୍ ତାଙ୍କ ଅନୁସନ୍ଧାନରେ ୨୦୦ ବର୍ଷ ତଳୁ କିପରି ଶ୍ରମ ବଜାରରେ ମହିଳାମାନଙ୍କ ଅଂଶଗ୍ରହଣ ରହିଥିଲା ଏବଂ କିପରି ରୋଜଗାର ହାରରେ ଲିଙ୍ଗଗତ ବ୍ୟବଧାନ ଆସିଲା, କାହିଁକି ଆସିଲା ତାହା ଉପସ୍ଥାପନ କରିଛନ୍ତି।