ମନୋରଞ୍ଜନ
ଓଡ଼ିଶା
04 Mar 2022
By The Sakala
ରୁଷ-ୟୁକ୍ରେନ୍ ମହାଯୁଦ୍ଧ: ଆଉ ଜଣେ ଭାରତୀୟ ଛାତ୍ରଙ୍କ ଦେହରେ ବାଜିଲା ଗୁଳି
କିଭ୍: ରୁଷିଆ-ୟୁକ୍ରେନ ଯୁଦ୍ଧ ଇତିମଧ୍ୟରେ ନବମ ଦିନରେ ପହଞ୍ଚିଛି। ୟୁକ୍ରେନର ବିଭିନ୍ନ ସହରରୁ ଭାରତୀୟଙ୍କୁ ଫେରାଇ ଆଣିବା ପାଇଁ ଭାରତ ସରକାର ଅପରେସନ୍ ଗଙ୍ଗା ଚଳାଉଛନ୍ତି । ସୂଚନା ଅନୁଯାୟୀ ଶୁକ୍ରବାର ସକାଳେ କିଭରେ ଆଉ ଜଣେ ଭାରତୀୟ ଛାତ୍ରଙ୍କଠାରେ ଗୁଳି ବାଜିଛି । ଛାତ୍ର ଭାରତକୁ ଫେରୁଥିବା ବେଳେ ଗୁଳି ବାଜିଥିବା ନେଇ କୁହାଯାଉଛି । ଏଭଳି ପରିସ୍ଥିତିରେ ଛାତ୍ରଙ୍କୁ ଚିକିତ୍ସା ପାଇଁ ପୁଣି କିଭକୁ ଫେରିବାକୁ ପଡିଛି । ଏହି ଯୁଦ୍ଧରେ ଏପର୍ୟ୍ୟନ୍ତ ୧୫୦୦ ୟୁକ୍ରେନୀୟ ଆହତ ହୋଇଛନ୍ତି।
ପୋଲାଣ୍ଡରେ ଉପସ୍ଥିତ କେନ୍ଦ୍ର ରାଜ୍ୟମନ୍ତ୍ରୀ ଭି.କେ ସିଂ କହିଛନ୍ତି ଯେ କିବ୍ରୁ ପୋଲାଣ୍ଡ ସୀମାକୁ ଯାଉଥିବା ବେଳେ ଛାତ୍ରଙ୍କ ଦେହରେ ଗୁଳି ବାଜିଛି । ଆହତ ଛାତ୍ରଙ୍କୁ କିବ୍ ଫେରାଇ ନିଆଯାଇଛି । ରାଜଧାନୀ କିବର ଏକ ହସ୍ପିଟାଲରେ ଆହତ ଛାତ୍ରଙ୍କ ଚିକିତ୍ସା ଚାଲିଛି । ତେବେ ଆହତ ଛାତ୍ରଙ୍କ ସମ୍ପୂର୍ଣ୍ଣ ପରିଚୟ ମିଳିପାରିନାହିଁ । ଆମେ ଅଧିକରୁ ଅଧିକ ଭାରତୀୟ ଛାତ୍ରଙ୍କୁ ଦେଶକୁ ଫେରାଇ ଆଣିବାକୁ ଚେଷ୍ଟା କରୁଛୁ ।
https://www.thesakala.in/national-international/indian-student-shot-hospitalised-in-ukraine-capital-kyiv/article-9674
About The Author
