ମନୋରଞ୍ଜନ
ଓଡ଼ିଶା
.png)
ଆଉ ଟଙ୍କାଟିଏରେ ମିଳିବନି ଦିଆସିଲି: ୧୪ ବର୍ଷ ପରେ ବୃଦ୍ଧି ପାଇବାକୁ ଯାଉଛି ଦିଆସିଲି ଦାମ୍
ନୂଆଦିଲ୍ଲୀ: ବାଜରରେ ଦର ଦାମ ବୃଦ୍ଧି ପାଉଥିବା ବେଳେ ଏବେ ଦିଆସିଲିର ଦର ମଧ୍ଯ ବୃଦ୍ଧି ପାଇବାକୁ ଯାଉଛି। ଏଣିକି ଆଉ ଟଙ୍କାଟିଏରେ ମିଳିବନି ଦିଆସିଲି । ପ୍ରାୟ ୧୪ ବର୍ଷ ପରେ ବଢ଼ିବାକୁ ଯାଉଛି ଦିଆସିଲି ପେଡ଼ାର ଦାମ । ଖୁବଶୀଘ୍ର ଡିସେମ୍ବର ପହିଲାରୁ ମହଙ୍ଗା ହୋଇଯିବ ଦିଆସିଲି । ଟଙ୍କାଏ ବଦଳରେ ଗୋଟିଏ ଦିଆସିଲି ପେଡ଼ାକୁ ୨ ଟଙ୍କା ଦେଇ କିଣିବାକୁ ପଡ଼ିବ । ଦେଶରେ ଦିଆସିଲି କାରାଖାନର ଶିଳ୍ପ କହିଲେ ଶିବକାଶୀକୁ ବୁଝାଏ । ଦିଆସିଲି ପ୍ରସ୍ତୁତ କରୁଥିବା ୫ଟି ବଡ଼ କମ୍ପାନୀ ଏବେ ଏହି ଦର ବଢ଼ାଇବାକୁ ନିଷ୍ପତ୍ତି ନେଇଛନ୍ତି ।
ଏହା ପୂର୍ବରୁ ଦିଆସିଲିର ଦର ୧୪ ବର୍ଷ ତଳେ ବଢ଼ିଥିଲା । ୨୦୦୭ ମସିହାରେ ଦିଆସିଲିର ଦାମ ୫୦ ପଇସାରୁ ୧ ଟଙ୍କାକୁ ବୃଦ୍ଧି ପାଇଥିଲା । ଦିଆସିଲି ନିର୍ମାତାଙ୍କ କହିବା ଅନୁସାରେ, ମ୍ୟାଚିସ୍ ପ୍ରସ୍ତୁତରେ ବ୍ୟବହୃତ ୧୪ଟି ପଦାର୍ଥର ଦାମ ବଢ଼ିଛି । ଲାଲ୍ ପାରଦର ଦାମ ୪୨୫ ଟଙ୍କାରୁ ବଢ଼ି କେଜି ପିଛା ୮୧୦ ଟଙ୍କା ହୋଇଛି ।
ସେହିଭଳି ମହମ, ଦିଆସିଲି ପେଡ଼ା, ପୋଟେସିୟମ୍ କ୍ଲୋରେଟ୍ ଓ ସଲଫେଟ୍ ଦାମ ମଧ୍ୟ ଅକ୍ଟୋବର ୧୦ ତାରିଖରୁ ଲଗାତାର ବଢ଼ୁଛି । ଏହା ବାଦ୍ ଡିଜେଲ ଦର ଆଉ ଏକ ବୋଝ । ଏଥିସହ ଦିଆସିଲି ପାଇଁ ୧୨ ପ୍ରତିଶତ ଟିକସ ଦେବାକୁ ପଡ଼ିବ।
About The Author
