ମନୋରଞ୍ଜନ
23 Oct 2022
By The Sakala
ଦୀପାବଳି ପୂର୍ବରୁ ଆନ୍ଧ୍ରପ୍ରଦେଶର ଏକ ବାଣ ଦୋକାନରେ ଭୟଙ୍କର ଅଗ୍ନିକାଣ୍ଡ, ଦୁଇ ମୃତ
ଆନ୍ଧ୍ରପ୍ରଦେଶ: ଦୀପାବଳିର ଗୋଟିଏ ଦିନ ପୂର୍ବରୁ ଆନ୍ଧ୍ରପ୍ରଦେଶର ଏକ ବାଣ ଦୋକାନରେ ଲାଗିଲା ନିଆଁ । ଆନ୍ଧ୍ରପ୍ରଦେଶ ବିଜୟୱାଡାର ଗାନ୍ଧୀ ନଗର ଜିମ୍ ଖାନା ଗ୍ରାଉଣ୍ଡରେ ଥିବା ଏକ ବାଣ ଦୋକାନରେ ନିଆଁ ଲାଗିଯାଇଛି । ଆଜି ସକାଳୁ ଏହି ଘଟଣା ସାମ୍ନାକୁ ଆସିଛି । ଅଗ୍ନିକାଣ୍ଡରେ ଦୁଇ ଜଣ ମୃତ୍ୟୁବରଣ କରିଥିବା ସୂଚନା ମିଳିଛି । ଲାଗି ଲାଗି ବାଣ ଦୋକାନ ଥିବାରୁ ଅଗ୍ନିକାଣ୍ଡରେ ୩ଟି ଦୋକାନ ସମ୍ପୂର୍ଣ୍ଣ ଜଳିଯାଇଛି । ଘଟଣାସ୍ଥଳରେ ଦମକଳବାହିନୀ ପହଞ୍ଚି ଅନ୍ୟ ଦୋକାନଗୁଡିକୁ ନିଆଁ ଲାଗିବାରୁ ରକ୍ଷା କରିଛନ୍ତି ।
ସବୁଠୁ ଗୁରୁତ୍ୱପୂର୍ଣ୍ଣ କଥା ହେଲା, ଅଗ୍ନିକାଣ୍ଡ ଘଟିଥିବା ବାଣ ଦୋକାନର ଠିକ ବିପରୀତ ଦିଗରେ ଏକ ପେଟ୍ରୋଲ ଟାଙ୍କି ଥିଲା, ମାତ୍ର ଯଥାଶୀଘ୍ର ନିଆଁକୁ ଆୟତ କରାଯାଇଥିବାରୁ ପେଟ୍ରୋଲ ଟାଙ୍କିଟି ନିଆଁ ଲାଗିବାରୁ ବଞ୍ଚିଯାଇଥିଲା । ପେଟ୍ରୋଲ ଟାଙ୍କି ପାଖରେ ବାଣ ଦୋକାନ ଦେବାପାଇଁ ଅନୁମତି ଦିଆଯାଇଥିବାରୁ ଘଟଣାସ୍ଥଳରେ ସ୍ଥାନୀୟବାସିନ୍ଦା ଉତ୍ତେଜନା ପ୍ରକାଶ କରିଛନ୍ତି ।
https://www.thesakala.in/national-international/fire-breaks-out-at-firecracker-stalls-in-andhra-pradesh/article-15978
About The Author
