ଶହ ଶହ ସମର୍ଥକଙ୍କୁ ଧରି ବିଜେଡିରେ ମିଶିଲେ ଡେଲକି ଖରିଆର ସମାଜ

By The Sakala

Published On Dec 30, 2023 03:16 PM IST

ଭୁବନେଶ୍ବର: ଶଙ୍ଖ ଭବନରେ ମିଶ୍ରଣ ପର୍ବ । ସୁନ୍ଦରଗଡ଼ ତଳସରା ନିର୍ବାଚନମଣ୍ଡଳୀ ଅନ୍ତର୍ଗତ ସବଡେଗା ବ୍ଲକର ବରିଷ୍ଠ ନେତା ତଥା ଡେଲକି ଖରିଆର ସମାଜର ରାଜ୍ୟ ସଭାପତି ନୃପ ଚରଣ ଦଣ୍ଡସେନା ବିଧିବଦ୍ଧ ଭାବେ ବିଜେଡିରେ ଯୋଗ ଦେଇଛନ୍ତି । ତାଙ୍କୁ ଦଳକୁ ପାଛୋଟି ନେଇଛନ୍ତି ବିଜେଡି ଉପସଭାପତି ଦେବୀ ମିଶ୍ର ଓ ରାଜ୍ୟସଭା ସାଂସଦ ମାନସ ମଙ୍ଗରାଜ । ନୃପ ଏବେ ଜିଲ୍ଲା ହକି ସଂଘର ସଭାପତି ଅଛନ୍ତି । ତାଙ୍କ ସହ ପୂର୍ବତନ ବ୍ୟାଙ୍କ […]

ଭୁବନେଶ୍ବର: ଶଙ୍ଖ ଭବନରେ ମିଶ୍ରଣ ପର୍ବ । ସୁନ୍ଦରଗଡ଼ ତଳସରା ନିର୍ବାଚନମଣ୍ଡଳୀ ଅନ୍ତର୍ଗତ ସବଡେଗା ବ୍ଲକର ବରିଷ୍ଠ ନେତା ତଥା ଡେଲକି ଖରିଆର ସମାଜର ରାଜ୍ୟ ସଭାପତି ନୃପ ଚରଣ ଦଣ୍ଡସେନା ବିଧିବଦ୍ଧ ଭାବେ ବିଜେଡିରେ ଯୋଗ ଦେଇଛନ୍ତି । ତାଙ୍କୁ ଦଳକୁ ପାଛୋଟି ନେଇଛନ୍ତି ବିଜେଡି ଉପସଭାପତି ଦେବୀ ମିଶ୍ର ଓ ରାଜ୍ୟସଭା ସାଂସଦ ମାନସ ମଙ୍ଗରାଜ । ନୃପ ଏବେ ଜିଲ୍ଲା ହକି ସଂଘର ସଭାପତି ଅଛନ୍ତି । ତାଙ୍କ ସହ ପୂର୍ବତନ ବ୍ୟାଙ୍କ ଅଧିକାରୀ ଉଗ୍ରସେନ ପ୍ରଧାନ ବି ବିଜେଡିରେ ଯୋଗ ଦେଇଛନ୍ତି ।

ଏମାନେ ସମସ୍ତେ ନିଜର ଶହ ଶହ ସମର୍ଥକଙ୍କୁ ଧରି ବିଜେଡିରେ ମିଶିଛନ୍ତି । ସମସ୍ତେ ମୁଖ୍ୟମନ୍ତ୍ରୀଙ୍କ ବିକାଶଧାରାରେ ଅନୁପ୍ରାଣିତ ହୋଇ ବିଜେଡିରେ ମିଶିଛନ୍ତି ବୋଲି ମତ ରଖିଛନ୍ତି । ବିଜେଡିରେ ଯୋଗଦାନ ପରେ ନୃପ ଦଣ୍ଡସେନା ରଖିଛନ୍ତି ପ୍ରତିକ୍ରିୟା । ୩୫ ବର୍ଷ ଧରି ସେ ପୋଲିସ ଚାକରି କରିଥିଲେ ।

ମୁଖ୍ୟମନ୍ତ୍ରୀଙ୍କ ନୀତି ଓ ଆଦର୍ଶରେ ଅନୁପ୍ରାଣିତ ହୋଇ ବିଜେଡିରେ ଯୋଗ ଦେବାକୁ ସେ ମୁଖ୍ୟମନ୍ତ୍ରୀଙ୍କୁ ଅନୁରୋଧ କରିଥିଲେ । ଏହାକୁ ଅନୁମୋଦନ କରିଥିବାରୁ ଏହି ଅବସରରେ ଧନ୍ୟବାଦ ଦେଇଛନ୍ତି ନୃପ ଦଣ୍ଡସେନା । ଜନସେବା କରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଜନକଲ୍ୟାଣକାରୀ ଯୋଜନା ଗାଁ ଗାଁରେ ପହଞ୍ଚାଇବାକୁ ଚେଷ୍ଟା କରିବେ ବୋଲି କହିଛନ୍ତି ନୃପ ଦଣ୍ଡସେନା ।