ମନୋରଞ୍ଜନ
ଓଡ଼ିଶା
ମହଙ୍ଗା ପଡିଲା ମଙ୍ଗଳା ଓଷା, ମନ୍ଦିରରେ ଭିଡ଼ ଯୋଗୁଁ ୪ ପୂଜକଙ୍କୁ ଉଠାଇ ନେଲା ପୁଲିସ୍
ତାଳଚେର : ମହଙ୍ଗା ପଡିଲା କୋଭିଡ ନିୟମ ଉଲ୍ଲଂଘନ । ବନ୍ଧା ହେଲେ ଅନୁଗୁଳ ତାଳଚେର ହାଟତୋଟା ସ୍ଥିତ ମଙ୍ଗଳା ମନ୍ଦିରର ଚାରି ପୂଜକ । ସରକାରୀ କଟକଣାକୁ ବେଖାତିର କରି ମନ୍ଦିରରେ ଭିଡ ଜମିବା ଯୋଗୁଁ ସେମାନଙ୍କୁ ଥାନାରେ ଅଟକ ରଖିଲା ତାଳଚେର ପୁଲିସ।
ସୂଚନା ଅନୁଯାୟୀ ଆଜି ମଙ୍ଗଳା ଓଷା ଥିବାରୁ ହାଟତୋଟା ମନ୍ଦିରରେ ଅସମ୍ଭାଳ ଭିଡ ଜମିଥିଲା । ସ୍ଥାନୀୟ ଲୋକେ କରୋନା କଟକଣାକୁ ବେଖାତିର କରି ମନ୍ଦିରରେ ପୂଜା କରିଥିଲେ । ଜିଲ୍ଲାରେ କରୋନା ସଂକ୍ରମଣ ବୃଦ୍ଧି ପାଉଥିବାରୁ ଦେବାଳୟରେ ଭିଡ ନକରି କଟକଣା ଅନୁଯାୟୀ ପୂଜାପାଠ କରିବାକୁ ପୂର୍ବରୁ ନିର୍ଦ୍ଦେଶ ରହିଥିଲା । ହେଲେ ଏହି ନିର୍ଦ୍ଦେଶକୁ ଫୁ କରି ମନ୍ଦିରରେ ବ୍ୟାପକ ଭିଡ ଜମିଥିଲା ।
ବିଶେଷ ସୁତ୍ରରୁ ଖବର ପାଇ ପୁଲିସ ଘଟଣାସ୍ଥଳରେ ପହଂଚି ଲୋକଙ୍କୁ ମନ୍ଦିର ପରିସରରୁ ବାହାର କରିଥିଲା । ତେବେ ନିୟମ ଉଲ୍ଲଂଘନ କରିଥିବା ଯୋଗୁଁ ମନ୍ଦିରର ୪ ଜଣ ପୂଜକଙ୍କୁ ପୁଲିସ ଅଟକ ରଖିଛି ।
About The Author
