କରୋନା ମୁକାବିଲା: ଔଷଧ ଓ ଅନ୍ୟ ଉପକରଣ କଳାବଜାରୀ ରୋକିବାକୁ ରାଜ୍ୟସ୍ତରୀୟ କମିଟି ଗଠନ

By The Sakala

Published On Apr 16, 2021 08:03 PM IST

ଭୁବନେଶ୍ୱର: ରାଜ୍ୟରେ କରୋନା ସଂକ୍ରମଣ ବୃଦ୍ଧି ପାଉଥିବା ବେଳେ କୋଭିଡ୍ ଚିକିତ୍ସା ଓ ସଂକ୍ରମଣରୁ ରକ୍ଷା ଲାଗି ବ୍ୟବହୃତ ସାମଗ୍ରୀ ଓ ଔଷଧ କଳାବଜାରୀ ହେବାରେ ଲାଗିଛି । କୋଭିଡ୍ ଚିକିତ୍ସା ସମ୍ପର୍କିତ ଔଷଧ ଓ ଅନ୍ୟ ଜରୁରୀ ସାମଗ୍ରୀର ବେଆଇନ୍ ମହଜୁଦ୍ ଓ ଔଷଧ କଳାବଜାରୀ ରୋକିବାକୁ ରାଜ୍ୟ ସରକାରଙ୍କ ଗୃହ ବିଭାଗ ଏକ କମିଟି ଗଠନ କରିଛନ୍ତି। ଅତିରିକ୍ତ ଡିଜି କ୍ରାଇମବ୍ରାଞ୍ଚଙ୍କ ଅଧ୍ୟକ୍ଷତାରେ ଏହି କମିଟି ଗଠନ ହୋଇଛି । ଏହି କମିଟିରେ ସ୍ୱାସ୍ଥ୍ୟ […]

ଭୁବନେଶ୍ୱର: ରାଜ୍ୟରେ କରୋନା ସଂକ୍ରମଣ ବୃଦ୍ଧି ପାଉଥିବା ବେଳେ କୋଭିଡ୍ ଚିକିତ୍ସା ଓ ସଂକ୍ରମଣରୁ ରକ୍ଷା ଲାଗି ବ୍ୟବହୃତ ସାମଗ୍ରୀ ଓ ଔଷଧ କଳାବଜାରୀ ହେବାରେ ଲାଗିଛି । କୋଭିଡ୍ ଚିକିତ୍ସା ସମ୍ପର୍କିତ ଔଷଧ ଓ ଅନ୍ୟ ଜରୁରୀ ସାମଗ୍ରୀର ବେଆଇନ୍ ମହଜୁଦ୍ ଓ ଔଷଧ କଳାବଜାରୀ ରୋକିବାକୁ ରାଜ୍ୟ ସରକାରଙ୍କ ଗୃହ ବିଭାଗ ଏକ କମିଟି ଗଠନ କରିଛନ୍ତି।

ଅତିରିକ୍ତ ଡିଜି କ୍ରାଇମବ୍ରାଞ୍ଚଙ୍କ ଅଧ୍ୟକ୍ଷତାରେ ଏହି କମିଟି ଗଠନ ହୋଇଛି । ଏହି କମିଟିରେ ସ୍ୱାସ୍ଥ୍ୟ ବିଭାଗର ଯୁଗ୍ମ ସଚିବ ରାଙ୍କରୁ ଉପରିସ୍ଥ ଜଣେ ଅଧିକାରୀଙ୍କ ସହ ଓଡ଼ିଶା ଡ୍ରଗ୍ସ କଣ୍ଟ୍ରୋଲରର ଜଣେ ଆବାହକ ସଦସ୍ୟ ଅଛନ୍ତି। କମିଟି ଜିଲ୍ଲା ସ୍ତରରେ ଜରୁରୀ ମେଡିକାଲ୍ ସାମଗ୍ରୀର ବିତରଣ ଓ ଉପଲବ୍ଧତା ଉପରେ ନଜର ରଖିବ ।

ଏଥିସହ କଳାବଜାରୀ ଓ ମହୁଜୁଦ୍ ହେଲେ ରେଡ୍, ସର୍ଚ୍ଚ ଅପରେସନ୍ କରି ଜବତ କରିବାକୁ କ୍ଷମତା ଦିଆଯାଇଛି । ଏଥିରେ କମିଟିକୁ ଅନ୍ୟ ସଂସ୍ଥା ସହ ମୁଖ୍ୟତଃ ପୁଲିସ ସହଯୋଗ କରି କଳାବଜାରୀ ଓ ମହଜୁଦ୍ ରୋକିବ ।