ମନୋରଞ୍ଜନ
ଓଡ଼ିଶା
ଘରୋଇ ବସ୍ ମାଲିକ ସଂଘର ଚେତାବନୀ, ଦାବି ପୂରଣ ନହେଲେ ବନ୍ଦ ହେବ ବସ୍ ସେବା
ଭୁବନେଶ୍ବର : ରାଜ୍ୟ ଘରୋଇ ବସ୍ ସଂଘ ପକ୍ଷରୁ ରାଜ୍ୟ ସରକାରଙ୍କୁ ଚେତାବନୀ । ସଂଘର ସାଧାରଣ ପରିଷଦ ବୈଠକ ପରେ ସରକାରଙ୍କୁ ଚେତାବନୀ । ତେଲ ଓ ଅନ୍ୟାନ୍ୟ ଆନୁଷଙ୍ଗିକ ଦାମ୍ ବୃଦ୍ଧି ଯୋଗୁଁ ବସ୍ କ୍ଷତିରେ ଚାଲିଛି ବୋଲି କହିଛି ସଂଘ । ଏଥିପାଇଁ ସରକାରଙ୍କ ସହଯୋଗ ଦରକାର ବୋଲି କହିଛନ୍ତି ସଂଘ ସମ୍ପାଦକ । ତେଲ ଦାମ କମ କରିବା ସହ ଟ୍ୟାକ୍ସ କମ କରିବାକୁ ଦାବି କରିଛି ସଂଘ।
ରାଜ୍ୟରେ ୧୪ ହଜାର ଘରୋଇ ବସ୍ ରହିଛି । କରୋନା କଟକଣା ହଟିବା ପରଠାରୁ ମାତ୍ର ୬୦ ପ୍ରତିଶତ ବସ୍ ଚାଲୁଛି । ସବୁ ବସ୍ କ୍ଷତିରେ ଚାଲୁଛି ବୋଲି ସଂଘ ସମ୍ପାଦକ ଦେବେନ୍ଦ୍ର ସାହୁ କହିଛନ୍ତି । ଟିକସ ଛାଡ଼ ସହିତ ଏକ ଲକ୍ଷ ଟଙ୍କା ଲେଖାଏ ଋଣ ଦେବାକୁ ସରକାର କହିଥିଲେ । ଋଣ ଏପର୍ଯ୍ୟନ୍ତ ମିଳିଲା ନାହିଁ । କରୋନାରେ ବସ୍ ସେବା ବନ୍ଦ ଥିବାରୁ ମାଲିକମାନେ ପ୍ରବଳ କ୍ଷତି ସହିଛନ୍ତି । ଡିଜେଲ ଦର ବୃଦ୍ଧି ବସ୍ ଭଡ଼ା ବଢାଉଛି, ସାଧାରଣ ଲୋକଙ୍କୁ ବସ୍ ଭଡ଼ା ବାଧୁଛି । ଡିଜେଲ ଦର ସରକାର କମାନ୍ତୁ, ନଚେତ ବସ୍ ଚଳାଇବା ଅସମ୍ଭବ । ଏ ନେଇ ସରକାରଙ୍କୁ ରାଜ୍ୟ ମାଲିକ ସଂଘ ପକ୍ଷରୁ ଦାବିପତ୍ର ଦିଆଯିବ । ନଭେମ୍ବର ୧୫ ଭିତରେ ଦାବି ପୂରଣ ନହେଲେ ୧୬ ତାରିଖରୁ ବସ୍ ସେବା ବନ୍ଦ ହେବ ବୋଲି ଘରୋଇ ବସ୍ ମାଲିକ ସଂଘ ଚେତାବନୀ ଦେଇଛି ।
About The Author
