ଭୁବନେଶ୍ବର, କରୋନାର ହିତୀୟ ଲହର ଚାରିଆଡେ ବ୍ୟାପିବାରେ ଲାଗିଛି। ତେଣୁ କିଭଳି ଲୋକେ ଘରୁ ନ ବାହାରି ସହଜରେ ଜରୁରୀ ସେବା ପାଇପାରିବେ ସେଥିଲାଗି ପୁଲିସ ସବୁ ବ୍ୟବସ୍ଥା କରୁଛି। ଥାନାକୁ ନ ଆସି ଫୋନ୍ କଲେ ପୁଲିସ ଘର ଦୁଆରୁ ଆସି ଅଭିଯୋଗ କପି ନେଉଛି। ଏହିପରି ଆଉ ବାହାଘର କିମ୍ବା ଶୁଦ୍ଧିକ୍ରିୟା ପାଇଁ ଡିସିପି ଅଫିସ ଯିବାକୁ ପଡ଼ିବ ନାହିଁ | କଟକଣା ଭିତରେ କିଭଳି ଏହି କାମ ହେବ ସେଥିଲାଗି ଡିସିପି ଅଫିସରେ ନୂଆ ବ୍ୟବସ୍ଥା ଆରମ୍ଭ କରାଯାଇଛି।

ତେତେ ଡିସିପି ଅଫିସିକୁ ନଆସିବାକୁ ବାରଣ କରାଯାଇଛି। ଯେଉଁମାନଙ୍କର ବାହାଘର କିମ୍ବା ଶୁଦ୍ଧିକ୍ରିୟା କରିବା ଅଛି ସେମାନେ ୧୦୦କୁ ଫୋନ୍ କଲ୍ କରି ଅନୁମତି ସମ୍ପର୍କରେ ସୂଚନା ପାଇପାରିବେ । ଏଥିପାଇଁ ଏକ ଟୋଲ ଫ୍ରି (୮୧୪୪୨୦୭୧୦୦) ନମ୍ବର ଜାରି କରାଯାଇଛି। ଉକ୍ତ ଫୋନ୍ ନମ୍ବରକୁ କଲ୍ କରି କିମ୍ବା ହ୍ବାଟ୍ସଆପ୍ କରି ସବିଶେଷ ତଥ୍ୟ ପାଇପାରିବେ।

ଏହି ନମ୍ବରରେ କାର୍ଯ୍ୟକ୍ରମ ସମ୍ପର୍କରେ ସୂଚନା ଦେବା ପରେ ଭୁବନେଶ୍ବର ଡିସିପି ଲାଇସେନ୍ସ ସେଲ ପକ୍ଷରୁ ଉକ୍ତ ନମ୍ବରରେ ଏକ ଫର୍ମାଟ ପଠାଯିବ । ସେହି ଫର୍ମ ପୂରଣ କରି ହ୍ବାଟ୍ସଆପ ଯୋଗେ ପଠାଇଲେ ଲାଇସେନ୍ସ ମିଳିପାରିବ । ଏହାର ସଫ୍ଟ କପି ମଧ୍ୟ ବ୍ୟବହାର କରି କୋଭିଡ଼ ନିୟମ ମୁତାବକ କାର୍ଯ୍ୟକ୍ରମ କରିପାରିବେ ବୋଲି ଡିସିପି ଉମାଶଙ୍କର ଦାଶ କହିଛନ୍ତି।