ମନୋରଞ୍ଜନ
ଓଡ଼ିଶା
ରେଳଧାରଣା ପାର କରୁଥିବାବେଳେ ଧକ୍କା ଦେଲା ଟ୍ରେନ, ଚାଲିଗଲା ଯୁବକଙ୍କ ଜୀବନ
ବୈଶିଙ୍ଗା: ମୟୂରଭଞ୍ଜ ଜିଲ୍ଲା ବେତନଟୀ ବ୍ଲକ ତଥା ବୈଶିଙ୍ଗା ଥାନା ଅଧୀନ ଆମ୍ବଗଡ଼ିଆ ପଞ୍ଚାୟତର ଭଗବାନପୁର – ବାମଡା ରାସ୍ତା ଫାଟକ ନିକଟରେ ଟ୍ରେନ ଦୁର୍ଘଟଣାରେ ଜୈନେକ ଯୁବକ ପ୍ରାଣ ହରାଇଛନ୍ତି । ଯୁବକ ଜଣକ ହେଉଛନ୍ତି ଭଗବାନପୁର ଗ୍ରାମର ସର୍ବେଶ୍ୱର ଦେହୁରୀଙ୍କ ପୁଅ ଲକ୍ଷ୍ମୀଧର (୩୨) ।
ସୂଚନା ମୁତାବକ ଲକ୍ଷ୍ମୀଧର ନିଜ ବାଇକ (ଓଡ଼ି୧୧ ଏକ୍ସ ୮୧୩୭) ନେଇ ତେଲ ପକାଇବା ନିମନ୍ତେ ପାଖ ବଜାରକୁ ଯାଇଥିଲେ । ସେହି ସମୟରେ ମଙ୍ଗଳବାର ସକାଳ ପ୍ରାୟ ଦିନ ୧୦ ଟା ସମୟରେ ଭଗବାନପୁର ଫାଟକ ଦେଇ ବାଲେଶ୍ୱର-ବାଙ୍ଗିରିପୋଷି ମେମୁ ଟ୍ରେନ ଅତିକ୍ରମ କରୁଥିବାରୁ ଲକ୍ଷ୍ମୀଧରଙ୍କ ବାଇକ ସହ ଧକ୍କା ହୋଇଥିଲା । ଫଳରେ ଘଟଣାସ୍ଥଳରେ ଲକ୍ଷ୍ମୀଧରଙ୍କର ମୃତ୍ୟୁ ଘଟିଥିଲା ଏବଂ ତାଙ୍କ ବାଇକକୁ ପାଖାପାଖି ୧ କିଲୋମିଟର ପର୍ଯ୍ୟନ୍ତ ଟ୍ରେନ ଘୋଷାରି ନେଇଥିଲା । ଖବରପାଇ ବୈଶିଙ୍ଗା ପୁଲିସ ଏବଂ ରେଳ ବାଇ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରିବା ସହ ଶବବ୍ୟବଚ୍ଛେଦ ପାଇଁ ପଠାଇଛନ୍ତି ।
About The Author
