ମନୋରଞ୍ଜନ
ଓଡ଼ିଶା
ଏସଟିଏଫର ଚଢାଉ: ହାତୀଦାନ୍ତ ଜବତ, ୨ ଗିରଫ
କେନ୍ଦୁଝର: ଏସଟିଏଫ ଦ୍ଵାରା କେନ୍ଦୁଝର ଜିଲ୍ଲା ସଦର ରେଞ୍ଜ ପାଟୁଙ୍ଗ-କଲଣ୍ଡା ରାସ୍ତାରୁ ୫ କେଜି ୬ ଶହ ଗ୍ରାମ ଓଜନର ୨ଟି ହାତୀଦାନ୍ତ ଜବତ କରାଯାଇଛି। ଏଥି ସହିତ ହାତୀ ଦାନ୍ତ କାରବାର ମାମଲାରେ ୨ ଜଣଙ୍କୁ ବନ ବିଭାଗ ଗିରଫ କରିଛି।
ସୂଚବା ଅନୁଯାୟା, ହାତୀ ଦାନ୍ତ କାର ବାରର ଖବର ପାଇ ଏସଟିଏଫ ପରିସ୍ଥିତି ଉପରେ ନଜର ରଖିଥିଲା। ହାତୀଦାନ୍ତ ବିକ୍ରି କରିବା ପାଇଁ ପର୍ଜନପୁର ଗାଁର ରମାକାନ୍ତ ପ୍ରଧାନ ପାଟୁଙ୍ଗ-କଲଣ୍ଡା ରାସ୍ତାରେ ଠିଆ ହୋଇଥିବା ବେଳେ ଏସଟିଏଫ ତାଙ୍କୁ କାବୁ କରି କେନ୍ଦୁଝର ବନ ବିଭାଗକୁ ହସ୍ତାନ୍ତର କରିଥିଲା । ଏହାପରେ କେନ୍ଦୁଝର ବନ ବିଭାଗ ପର୍ଜନପୁର ଗାଁର ଅନାମ ମୁଣ୍ଡା ଏହି ଘଟଣାରେ ସଂପୃକ୍ତ ଥିବା ସୂଚନା ପାଇ ତାକୁ ଗିରଫ କରିଥିଲା । ଅନ୍ୟ ପକ୍ଷରେ ଘଟଣାର ମୁଖ୍ୟ ଅଭିଯୁକ୍ତ ଯଥାଶୀଘ୍ର ଗିରଫ କରାଯିବ ବୋଲି କେନ୍ଦୁଝର ବନଖଣ୍ଡ ଅଧିକାରୀ ଧନରାଜ ଏଚ ଡ଼ି ପ୍ରକାଶ କରିଛନ୍ତି।
About The Author
