ମନୋରଞ୍ଜନ
ଭାରସାମ୍ୟ ହରାଇ ଓଲଟିଲା ଟାଟା ଏସି, ୨୫ରୁ ଉର୍ଦ୍ଧ୍ୱ ଆହତ
କାମାକ୍ଷାନଗର: ଭାରସାମ୍ୟ ହରାଇ ଓଲଟିଲା ଟାଟା ଏସି ମିନି ଟ୍ରକ । ୨୫ରୁ ଉର୍ଦ୍ଧ୍ୱ କୀର୍ତ୍ତନ ମଣ୍ଡଳୀ ସଦସ୍ୟ ଗୁରୁତର । ସମସ୍ତ ଆହତଙ୍କୁ କାମାକ୍ଷାନଗର ମେଡିକାଲରେ ଭର୍ତ୍ତି କରାଯାଇଛି । ସୂଚନା ଅନୁସାରେ କାମାକ୍ଷାନଗର ଥାନା ଆଳତୁମା ଗ୍ରାମର ଏକ କୀର୍ତ୍ତନମଣ୍ଡଳୀ ଦଳ ଅଷ୍ଟପ୍ରହରୀ ନାମଯଂଜ୍ଞ ରେ ଭାଗନେବା ପାଇଁ କୋଟଗରା ଯାଇଥିଲେ । ସେଠାରୁ ଅଷ୍ଟପ୍ରହରୀ ସରିଲା ପରେ ଆଜି ଭୋରୁ କାମାକ୍ଷାନଗର ଫେରୁଥିବା ବେଳେ କାମାକ୍ଷାନଗର ଥାନା ରେକୁଳା ବ୍ରିଜ ନିକଟରେ ଟାଟା ଏସି ମିନି ଟ୍ରକ ଟି ଭାରସାମ୍ୟ ହରାଇ ଓଲଟି ପଡିଥିଲା । ଯାହା ଫଳରେ ସେଥିରେ ଥିବା ପ୍ରାୟ କୋଡିଏ ରୁ ତିରିଶ ଜଣ କୀର୍ତ୍ତନ ମଣ୍ଡଳୀର ସଦସ୍ୟ ଗୁରୁତର ହୋଇଛନ୍ତି । ଆମ୍ବୁଲାନ୍ସ ଓ ସ୍ଥାନୀୟ ଲୋକଙ୍କ ସହାୟତାରେ ସମସ୍ତ ଗୁରୁତରଙ୍କୁ କାମାକ୍ଷାନଗର ମେଡିକାଲରେ ଭର୍ତି କରାଯାଇ ପ୍ରାଥମିକ ଚିକିତ୍ସା କରାଯାଉଛି l ଅଧିକ ଆଘାତ ହୋଇଥିବା ରୋଗୀମାନଙ୍କୁ ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି । ସମସ୍ତ ଗୁରୁତର ଆହତଙ୍କ ଘର କାମାକ୍ଷାନଗର ଥାନା ଆଲତୁମା ଗ୍ରାମରେ ହୋଇଥିବା ଜଣା ପଡିଛି ।
About The Author
