ମନୋରଞ୍ଜନ
09 Nov 2021
By The Sakala
ଏକ କୋଟିରୁ ଉର୍ଦ୍ଧ୍ବ ଟଙ୍କାର ବ୍ରାଉନସୁଗର ଜବତ, ଦୁଇ ଡ୍ରଗ୍ସ ମାଫିଆ ଗିରଫ
ବାଲେଶ୍ୱର: ନିଶା ବେପାରର ଆଡ୍ଡା ପାଲଟିଛି ବାଲେଶ୍ୱର। ପୁଲିସ ଯେତେ ପ୍ରକାର ଚେଷ୍ଟା କଲେ ମଧ୍ୟ ନିଶା ବେପାରୀଙ୍କ ପ୍ରାଦୁର୍ଭାବ କମିବାର ନାଁ ଧରୁନି । ଦିନକୁ ଦିନ ରାଜ୍ୟରେ ନିଶା କାରବାର ବଢ଼ିବାରେ ଲାଗିଛି । ପୋଲିସ୍କୁ ଟାର୍ଗେଟ ଦେଇ ନିଶା ବେପାର କରୁଛନ୍ତି ନିଶା ବେପାରୀ। ବାରମ୍ବାର ଗିରଫ ହେବା ସତ୍ତ୍ୱେ ମଧ୍ୟ ଜାମିନ୍ରେ ବାହାରି ପୁଣିଥରେ ଆରମ୍ଭ କରିଦେଉଛନ୍ତି ବେପାର। ଆଜି ପୁଣି ବାଲେଶ୍ଵରରେ କ୍ରାଇମବ୍ରାଞ୍ଚ STF ଚଢ଼ାଉ କରି ବିପୁଳ ପରିମାଣରେ ବ୍ରାଉନସୁଗର ଜବତ କରିଛି। ସହଦେଵ ଖୁଣ୍ଟା ନୟାବଜାର ହାଟରୁ କେଜିଏ ୫୨ ଗ୍ରାମ ବ୍ରାଉନସୁଗର ଜବତ କରାଯାଇଛି। ବ୍ରାଉନସୁଗର ଜବତ ହେବା ସହ ଦୁଇ ଡ୍ରଗ୍ସ ମାଫିଆ ଗିରଫ ହୋଇଛନ୍ତି।
ତେବେ ବହୁଦିନ ହେବ ପରିବା ମାର୍କେଟରେ ଚାଲିଥିଲା ଧଳାଜହର ଡିଲ। ଜବତ ବ୍ରାଉନସୁଗରର ଆନୁମାନିକ ମୂଲ୍ୟ ହେବ ଏକ କୋଟି ଟଙ୍କାରୁ ଉର୍ଦ୍ଧ। ତେବେ ଏହି ବ୍ରାଉନସୁଗରକୁ ଲାଲଗୁଲାରୁ ଆଣି ବିକୁଥିଲେ ବେପାରୀ।
https://www.thesakala.in/latest-odisha-news/balasore/brownsugar-seized-worth-one-crore-in-balasore/article-6700
About The Author
