ମନୋରଞ୍ଜନ
10 Mar 2026
By Madhusudan Das
ଗାଧୋଇବାବେଳେ ପୋଖରୀରେ ବୁଡ଼ି ୨ ନାବାଳକ ଭାଇ ମୃତ
ଘଟଗାଁ: ଗାଧୋଇବା ହେଲା କାଳ । ପୋଖରୀରେ ବୁଡ଼ି ଚାଲିଗଲା ଦୁଇ ଭାଇଙ୍କ ଜୀବନ । କେନ୍ଦୁଝର ସଦର ଥାନା ରାଇସୁଆଁ ପୁରଣା ଥାନା ପାଖ ପୋଖରୀରେ ଗାଧୋଇବା ସମୟରେ ବୁଡ଼ି ୨ ଭାଇ ମୃତ। ମୃତକଙ୍କ ନାମ କୁଣାଲ ଅନସାରୀ ଏବଂ ଅମାନନ ଅନସାରୀ । ଦୁହେଁ ଗୋଟିଏ ପରିବାରର ହୋଇଥିବା ହୋଇଥିବା ବେଳେ ଜଣଙ୍କର ବୟସ ୮ ବର୍ଷ ଏବଂ ଅନ୍ୟ ଜଣଙ୍କ ବୟସ ୯ ବର୍ଷ ସୂଚନା ।
ପୋଖରୀରେ ଗାଧୋଇବା ସମୟରେ ହଠାତ୍ ଦୁଇ ଭାଇ ପୋଖରୀରେ ବୁଡ଼ିଯାଇଥିଲେ । ସ୍ଥାନୀୟ ଲୋକେ ତୁରନ୍ତ ସେମାନଙ୍କୁ ଉଦ୍ଧାର କରି ଉପରକୁ ଆଣି ନିକଟସ୍ଥ ଧରଣୀଧର ମେଡିକାଲରେ ଭର୍ତ୍ତି କରିଥିଲେ। ହେଲେ ସେଠାରେ ଡାକ୍ତର ଉଭୟଙ୍କୁ ମୃତ ଘୋଷଣା କରିଛନ୍ତି । ଘରର ଦୁଇ ଶିଶୁଙ୍କ ମୃତ୍ୟୁ ପରେ ପୁରା ପରିବାରରେ ଶୋକର ଛାୟା ଖେଳିଯାଇଛି ।
https://www.thesakala.in/latest-odisha-news/two-minor-brothers-drown-in-pond-while-bathing/article-45248
About The Author
