ମନୋରଞ୍ଜନ
10 Dec 2025
By Madhusudan Das
ବାରବାଟୀ ଟି-୨୦: ଦକ୍ଷିଣ ଆଫ୍ରିକା ଵିପକ୍ଷରେ ବଡ ବିଜୟ ପରେ ଟିମ୍ ଇଣ୍ଡିଆକୁ ଶୁଭେଚ୍ଛା ଜଣାଇଲେ ନବୀନ
କଟକ: ବାରବାଟୀରେ ଭାରତର ବଡ଼ ବିଜୟ । ଦକ୍ଷିଣ ଆଫ୍ରିକା ଵିପକ୍ଷ ପ୍ରଥମ ଟି-୨୦ ମ୍ୟାଚକୁ ୧୦୧ ରନରେ ଜିତି ବିଜୟ ଅଭିଯାନ ଆରମ୍ଭ କରିଛି ଟିମ ଇଣ୍ଡିଆ । ଏଥିସହ ୫ ଟିକିଆ ଟି-ଟ୍ବେଣ୍ଟି ସିରିଜରେ ୧-୦ରେ ଆଗୁଆ ରହିଛି । ଟିମ୍ ଇଣ୍ଡିଆର ଏହି ବିଜୟ ପରେ ଶୁଭେଚ୍ଛା ଜଣାଇଛନ୍ତି ବିରୋଧୀ ଦଳ ନେତା ନବୀନ ପଟ୍ଟନାୟକ । ସେ କହିଛନ୍ତି ବାରବାଟି ଷ୍ଟାଡିୟମରେ ବିପୁଳ ବିଜୟ ସହ ଟି-୨୦ ସିରିଜର କମାଣ୍ଡିଙ୍ଗ୍ ଆରମ୍ଭ ହୋଇଛି । ଏଥିପାଇଁ ଭାରତୀୟ ଦଳକୁ ଅନେକ ଅଭିନନ୍ଦନ । ସିରିଜ ଜିତିବା ପାଇଁ ଦଳ ବିଜୟପଥ ଜାରି ରଖୁ ବୋଲି ସୋସିଆଲ ମେଡିଆ 'ଏକ୍ସ'ରେ କହିଛନ୍ତି ନବୀନ ପଟ୍ଟନାୟକ ।
https://twitter.com/Naveen_Odisha/status/1998604015106658304
ସୂଚନାଯୋଗ୍ୟ, ବାରବାଟୀ ମ୍ୟାଚରେ ଭାରତ ପ୍ରଥମେ ବ୍ୟାଟିଂ କରି ହାର୍ଦ୍ଦିକ ପାଣ୍ଡ୍ୟାଙ୍କ ଅପରାଜିତ ଅର୍ଦ୍ଧଶତକ ସହାୟତାରେ ୧୭୫ ରନ୍ କରିଥିଲା । ଜବାବରେ ଦକ୍ଷିଣ ଆଫ୍ରିକା ସ୍କୋର ମାତ୍ର ୭୪ ରନରେ ସୀମିତ ରହିଥିଲା।
https://www.thesakala.in/latest-odisha-news/naveen-patnaik-congratulates-team-india-after-big-win-against-south-africa-in-barabati/article-43502
About The Author
