ରାଜ୍ୟରେ କମିବ କାଳବୈଶାଖୀ, ବଢ଼ିବ ତାତି

By The Sakala

Published On May 05, 2023 12:30 PM IST

ଭୁବନେଶ୍ବର: କମିବ କାଳବୈଶାଖୀ, ବଢିବ ତାତି। ତାପମାତ୍ରା ୪-୫ ଡ଼ିଗ୍ରୀ ଯାଏଁ ବଢ଼ିବ । ୪୦-୪୧ଡିଗ୍ରୀ ଯାଏଁ ତାପମାତ୍ରା ଛୁଇଁପାରେ । ବର୍ତ୍ତମାନ ସ୍ଥିତିରେ ଆଭ୍ୟନ୍ତରୀଣ ଓ ଉପକୁଳ ଏବଂ ଓଡ଼ିଶାରେ କାଳବୈଶାଖୀ ପ୍ରଭାବ କମିଛି। ଏହା ଧୀରେ ଧୀରେ ସ୍ବାଭାବିକ ହେବା ପରେ କିଛି ସ୍ଥାନରେ ତାପମାତ୍ରା ବୃଦ୍ଧି ହେବା ନେଇ ପାଣିପାଗ ବିଭାଗ କହିଛି । ଏଥିସହ ଜଳୀୟବାଷ୍ପ ମତ୍ରା ଅଧିକ ରହୁଥିବାରୁ ରାଜ୍ୟରେ ଗୁଳୁଗୁଳି ମାତ୍ତ୍ରା ଅଧିକ ଅନୁଭୂତ ହେବ । ସେପଟେ […]

ଭୁବନେଶ୍ବର: କମିବ କାଳବୈଶାଖୀ, ବଢିବ ତାତି। ତାପମାତ୍ରା ୪-୫ ଡ଼ିଗ୍ରୀ ଯାଏଁ ବଢ଼ିବ । ୪୦-୪୧ଡିଗ୍ରୀ ଯାଏଁ ତାପମାତ୍ରା ଛୁଇଁପାରେ । ବର୍ତ୍ତମାନ ସ୍ଥିତିରେ ଆଭ୍ୟନ୍ତରୀଣ ଓ ଉପକୁଳ ଏବଂ ଓଡ଼ିଶାରେ କାଳବୈଶାଖୀ ପ୍ରଭାବ କମିଛି। ଏହା ଧୀରେ ଧୀରେ ସ୍ବାଭାବିକ ହେବା ପରେ କିଛି ସ୍ଥାନରେ ତାପମାତ୍ରା ବୃଦ୍ଧି ହେବା ନେଇ ପାଣିପାଗ ବିଭାଗ କହିଛି । ଏଥିସହ ଜଳୀୟବାଷ୍ପ ମତ୍ରା ଅଧିକ ରହୁଥିବାରୁ ରାଜ୍ୟରେ ଗୁଳୁଗୁଳି ମାତ୍ତ୍ରା ଅଧିକ ଅନୁଭୂତ ହେବ ।

ସେପଟେ ସମ୍ଭାବ୍ୟ ବାତ୍ୟାକୁ ନେଇ ବର୍ତ୍ତମାନ ସୁଦ୍ଧା ଓଡ଼ିଶା ପାଇଁ କୌଣସି ୱାର୍ଣ୍ଣିଂ ଜାରି ହୋଇନି। ଦକ୍ଷିଣ ପୂର୍ବ ବଙ୍ଗୋସାଗରରେ ଏକ ଘୂର୍ଣ୍ଣିବଳୟ ସୃଷ୍ଟି ହେବ । ଏହା ପ୍ରଭାବରେ ୭ ତାରିଖ ବେଳକୁ ଦକ୍ଷିଣ ପୂର୍ବ ବଙ୍ଗୋସାଗର ଅଞ୍ଚଳରେ ଗୋଟିଏ ଲଘୁଚାପ କ୍ଷେତ୍ର ସୃଷ୍ଟି ହେବ । ଏହି ସମୟରେ ଦକ୍ଷିଣ ପୂର୍ବ ବଙ୍ଗୋପସାଗର ଦକ୍ଷିଣ ପଶ୍ଚିମ ବଙ୍ଗୋସାଗର ଆଣ୍ଡାମାନ ସାଗର ଏବଂ କେନ୍ଦ୍ରୀୟ ବଙ୍ଗୋପାଗର ଅଞ୍ଚଳରେ ସମୁଦ୍ର ଅଶାନ୍ତ ରହିବ। ଯେଉଁଠି ପବନର ବେଗ ୪୦-୫୦ ଏପରିକି ୬୦ମଧ୍ୟ ଛୁଇଁପାରେ । ତେଣୁ ଏ ସମସ୍ତ ଅଞ୍ଚଲରେ ଗଭୀର ସମୁଦ୍ରକୁ ଯିବା ପାଇଁ ବାରଣ ହୋଇଛି । ମୁଖ୍ୟତଃ ଉପକୂଳ ଅଞ୍ଚାଲରେ ବିଶେଷ ଅନୁଭୂତ ହେବ। ତେବେ ଲଘୁଚାପ ଜନିତ କ୍ଷେତ୍ର ସୃଷ୍ଟି ପରେ ବାତ୍ୟାର ଦିଗ ଓ ଲ୍ୟାଣ୍ଡ ଫଲ ସମ୍ପର୍କରେ ସୂଚନା ଦିଆଯିବ ବୋଲି ପାଣିପାଗ ବୈଜ୍ଞାନିକ ଉମାଶଙ୍କର ଦାସ କହିଛନ୍ତି ।