ମନୋରଞ୍ଜନ
01 Aug 2022
By The Sakala
ବାଚସ୍ପତିଙ୍କ ନେତୃତ୍ବରେ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଭେଟିବେ ଓଡ଼ିଶାର ୨୬ ଜଣିଆ ଟିମ୍
ଭୁବନେଶ୍ୱ: ରାରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଭେଟିବାକୁ ଆସନ୍ତାକାଲି ଓଡ଼ିଶାର ବିଧାୟକ ଦିଲ୍ଲୀ ଅଭିମୁଖେ ବାହାରିବେ। ମୋଟ ୨୬ ଜଣିଆ ଟିମ ଦିଲ୍ଲୀ ଗସ୍ତରେ ବାହାରିବେ। ବାଚସ୍ପତି ବିକ୍ରମ କେଶରୀ ଆରୁଖଙ୍କ ନେତୃତ୍ୱରେ ସମସ୍ତ ବିଧାୟକ ଦିଲ୍ଲୀ ଯିବେ। ଅଗଷ୍ଟ ୩ରେ ରାଷ୍ଟ୍ରପତିଙ୍କୁ ଭେଟିବେ ଓଡ଼ିଶଆ ବିଧାୟକ। ଟିମରେ ଉପବାଚସ୍ପତି, ଅର୍ଥ ଓ ରାଜସ୍ବ ମନ୍ତ୍ରୀ ରହିଛନ୍ତି। ଶାସକ ଓ ବିରୋଧୀ ଦଳର ମୁଖ୍ଯ ସଚେତକ ଟିମରେ ସାମିଲ ଅଛନ୍ତି। କଂଗ୍ରେସ ବିଧାୟକ ଦଳ ନେତାଙ୍କ ସହ ବିଭିନ୍ନ ଦଳର ୧୯ ବିଧାୟକ ସାମିଲ ଅଛନ୍ତି। ବିଧାନସଭା ସଚିବାଳୟର ୪ କର୍ମଚାରୀ ମଧ୍ଯରେ ଟିମରେ ସାମିଲ ଅଛନ୍ତି। ରାଷ୍ଟ୍ରପତିଙ୍କୁ ଭେଟିବା ପରେ ୪ ତାରିଖ ସନ୍ଧ୍ଯାରେ ଓଡ଼ିଶା ଫେରିବେ।
ଜୁଲାଇ ୨୫ ତାରିଖରେ ସଂସଦର ସେଣ୍ଟ୍ରାଲ ହଲରେ ଦ୍ରୌପଦୀ ମୁର୍ମୁ ରାଷ୍ଟ୍ରପତି ଭାବେ ଶପଥ ଗ୍ରହଣ କରିଥିଲେ। ସୁପ୍ରିମକୋର୍ଟ ପ୍ରଧାନ ବିଚାରପତି ଜଷ୍ଟିସ ଏନଭି ରମନ୍ନା ପଦ ଓ ଗୋପାନୀୟତାର ଶପଥ ପାଠ କରାଇଥିଲେ।
https://www.thesakala.in/latest-odisha-news/26-member-will-meet-president-draupadi-murmu-under-the-leadership-of-speaker-of-odisha/article-13776
About The Author
