ମନୋରଞ୍ଜନ
03 Apr 2021
By The Sakala
ରାଜଧାନୀ ଅମାନିଆଙ୍କୁ ସାବାଡ଼ କରୁଛି ବିଏମସି, କାଲି ମଲ୍ ପରେ ଆଜି ବାରରେ ଚଢ଼ାଉ
ଭୁବନେଶ୍ୱର: ରାଜ୍ଯରେ ବଢୁଛି କରୋନା ସଂକ୍ରମିତଙ୍କ ସଂଖ୍ଯା । ରାଜଧାନୀ ଭୁବନେଶ୍ବରରେ ମଧ୍ୟ କୋଭିଡ୍ ସଂକ୍ରମଣ ମାମଲା ବଢ଼ିବାରେ ଲାଗିଛି। ଲୋକ ନିୟମ ମାନୁ ନ ଥିବାରୁ ବିଏମସି ଅଚାନକ ଚଢ଼ାଉ କରୁଛି। ଶୁକ୍ରବାର ବିଏମସି ୟୁନିଟ୍ ମାର୍କେଟ୍ ବିଲ୍ଡିଂରେ ରେଡ୍ କରିଥିବା ବେଳେ ଆଜି ପଟିଆ ଓ ଡମଣା ଅଞ୍ଚଳରେ ଚଢ଼ାଉ କରିଛି ।
ପଟିଆ ଓ ଡମଣା ଅଞ୍ଚଳର ବିଭିନ୍ନ ସପିଂ ମଲରେ ଚଢ଼ାଉ ହୋଇଛି । ୯୯ ହିଣ୍ଟସ୍ ଲଙ୍ଗ ଆଣ୍ଡ ବାରକୁ ସିଲ୍ କରିଛି ବିଏମସି । କୋଭିଡ୍ କଟକଣାକୁ ଅବମାନନା କରି ବାରରେ ପପ୍ ଚାଲିଥିଲା । ଡିଜେ ତାଳେତାଳେ ଚାଲିଥିଲା ଡ୍ୟାନ୍ସ । କେହି ମୁହଁରେ ମାସ୍କ ପିନ୍ଧିନଥିଲେ, କି ସାମାଜିକ ଦୂରତା ମଧ୍ୟ ନ ଥିଲା ।
ଶୁକ୍ରବାର ମାର୍କେଟ୍ ବିଲ୍ଡିଂରେ ରେଡ୍ କରି ବିଏମସି ବିଶାଲ ମେଗା ମାର୍ଟକୁ ସିଲ୍ କରିବା ସହ ଅନ୍ୟ ମଲରୁ ଫାଇନ୍ ଆଦାୟ କରିଥିଲା । ରାମମନ୍ଦିର ନିକଟ ମାର୍କେଟରେ ଚଢ଼ାଉ କରି ଅମାନିଆଙ୍କ ଠାରୁ ଜରିମାନା ଆଦାୟ କରିଥିଲା ବିଏମସିର ଏନଫୋର୍ସମେଣ୍ଟ ସ୍କ୍ୱାଡ୍ ।
https://www.thesakala.in/latest-odisha-news/bmc-sealed-an-bar-in-patia-for-covid-guideline-violation/article-1212
About The Author
