ମନୋରଞ୍ଜନ
14 Apr 2022
By The Sakala
ଗାଧୋଇବାବେଳେ ମହାନଦୀରେ ବୁଡି ଦୁଇ ଛାତ୍ର ମୃତ
ଜଗତସିଂହପୁର: ମହାନଦୀରେ ଗାଧୋଇବା ହେଲା କାଳ । ଜଗତସିଂହପୁର କୁଜଙ୍ଗ ନିକଟସ୍ଥ ମହାନଦୀର ବଡ଼ପାଳ ଘାଟରେ ଅଘଟଣ । ମହାନଦୀରେ ଗାଧୋଇବା ବେଳେ ୨ ଯୁବକଙ୍କ ମୃତ୍ୟୁ ହୋଇଥିବା ନେଇ ସୂଚନା ମିଳିଛି । ମୃତ ୨ ଯୁବକ ପଥୁରିଆ ଗ୍ରାମର ବୋଲି ଜଣାପଡିଛି । ମୃତ ଛାତ୍ର ଦ୍ୱୟ ହେଲେ ଗଣେଶ ସାହୁ ଓ ରାଜେନ୍ଦ୍ର ସାହୁ। ଏମାନେ ସମ୍ପର୍କରେ ଦୁଇ ଭାଇ ହେବେ ଏବଂ ସେମାନେ ଯୁକ୍ତ ଦୁଇ ଛାତ୍ର।
ସୂଚନାନୁଯାୟୀ, ଗୁରୁବାର ସକାଳ ୯ଟା ସମୟରେ କୁଜଙ୍ଗ ନିକଟରେ ମହାନଦୀକୁ ଗାଧୋଇବାକୁ ଯାଇ ନିଖୋଜ ହୋଇଯାଇ ଥିଲେ । ବହୁତ ଖୋଜାଖୋଜି ପରେ ଯୁବକ ଦୁଇଜଣଙ୍କ ମୃତଦେହ ନଦୀରୁ ଉଦ୍ଧାର ହୋଇଛି । ସ୍ଥାନୀୟ ଲୋକେ ଦୁହିଁଙ୍କୁ ଉଦ୍ଧାର କରି କୁଜଙ୍ଗ ମେଡିକାଲ ଆଣିବା ପରେ ଉଭୟଙ୍କୁ ମୃତ ଘୋଷଣା କଲେ ଡାକ୍ତର । ମୃତ୍ୟୁ ଖବର ଶୁଣି ଗ୍ରାମରେ ଶୋକାକୁଳ ପରିସ୍ଥିତି ସୃଷ୍ଟି ହୋଇଛି ।
https://www.thesakala.in/latest-odisha-news/two-students-drowned-in-mahanadi-while-bathing/article-10771
About The Author
