ମନୋରଞ୍ଜନ
25 Dec 2025
By Madhusudan Das
ବିଡ଼ି ଟଣାକୁ କେନ୍ଦ୍ର କରି ବଙ୍ଗୀୟ ଶ୍ରମିକଙ୍କୁ ପିଟିପିଟି ହତ୍ୟା, ୬ ଗିରଫ
ସମ୍ବଲପୁର: ବଙ୍ଗୀୟ ଶ୍ରମିକଙ୍କୁ ପିଟିପିଟି ହତ୍ୟା। ସମ୍ବଲପୁର ଅଇଁଠାପାଲି ଥାନା ଦାନିପାଲିରେ ବୁଧବାର ରାତି ପ୍ରାୟ ୮ଟାରେ ଘଟିଛି ଏଭଳି ଅଭାବନୀୟ ଘଟଣା । ମୃତକ ହେଲେ ପଶ୍ଚିମବଙ୍ଗ ମୁର୍ଶିଦାବାଦ ଅଞ୍ଚଳର ଜୁଏଲ୍ ଶେଖ । ଆକ୍ରମଣରେ ତାଙ୍କର ଅନ୍ୟ ଦୁଇ ସହଯୋଗୀ ଅକୁର ରେହମାନ (୨୪) ଓ ସୋନୱର ହୁସେନ୍ (୨୨) ଗୁରୁତର ହୋଇଛନ୍ତି । ହତ୍ୟା ଅଭିଯୋଗରେ ୬ ଅଭିଯୁକ୍ତଙ୍କୁ ଗିରଫ କଲା ଅଇଁଠାପାଲି ଥାନା ପୋଲିସ ।
ପୁଲିସ ସୂଚନା ଅନୁସାରେ, ବୁଧବାର ସଂଧ୍ୟାରେ କିଛି ଶ୍ରମିକ କାର୍ଯ୍ୟ ସାରି ବିଡ଼ି ପିଉଥିଲେ। ସେଠାରେ ଉପସ୍ଥିତ କିଛି ବ୍ୟକ୍ତି ସେମାନେ କେଉଁଠୁ ଆସିଛନ୍ତି ବୋଲି ପଚାରି ଆଧାର କାର୍ଡ ଦେଖାଇବାକୁ କହିଥିଲେ। ଏହାପରେ ଅଚାନକ ଜୁଏଲ ଶେଖ ଉପରେ ସାମୁହିକ ଆକ୍ରମଣ ହୋଇଥିଲା। ତାଙ୍କୁ ଗୁରୁତର ଅବସ୍ଥାରେ ସଦର ଡାକ୍ତରଖାନାକୁ ଅଣାଯିବାବେଳେ ମୃତ୍ୟୁ ହୋଇଥିଲା। ମୃତ ଜୁଏଲଙ୍କ ମରଶରୀର ଡାକ୍ତରଖାନାରେ ସଂରକ୍ଷିତ ରଖାଯାଇ ତାଙ୍କ ପରିବାରକୁ ସୂଚନା ଦିଆଯାଇଛି। ହତ୍ୟା ଅଭିଯୋଗରେ ଆଜି ୬ ଅଭିଯୁକ୍ତଙ୍କୁ ଗିରଫ କରିଛି ପୋଲିସ ।
https://www.thesakala.in/latest-odisha-news/5-arrested-in-bengali-labourer-beaten-to-death-in-sambalpur/article-43778
About The Author
