ମନୋରଞ୍ଜନ
ଓଡ଼ିଶା
13 Jul 2021
By The Sakala
ବଜ୍ରପାତରେ ୩ ମୃତ
ବାରିପଦା : ମଙ୍ଗଳବାର ଅପରାହ୍ନରେ ବଜ୍ରପାତ ହେବା ଫଳରେ ମୟୂରଭଞ୍ଜ ଜିଲ୍ଲାର ଚାନ୍ଦୁଆ ଥାନା ଅଧୀନ ବାଘୁଆଶୋଳ ଗ୍ରାମରେ ଏକ ଅଭାବନୀୟ ଘଟଣା ଘଟିଯାଇଛି । ଛେଳି ଚରାଇବାକୁ ଯାଇଥିବା ଗ୍ରାମର ୨ନାବାଳକ ଓ ଜଣେ ନାବାଳିକା ମୃତ୍ୟୁ ବରଣ କରିଛନ୍ତି । ବର୍ଷା ସମୟରେ ସମସ୍ତେ ଏକ ଗଛମୂଳେ ଆଶ୍ରୟ ନେଇଥିବା ସମୟରେ ବଜ୍ରପାତ ଘଟିଥିଲା । ଫଳରେ ସମସ୍ତେ ସଜ୍ଞାହୀନ ପୂର୍ବକ ଗୁରୁତର ଆହତ ହୋଇଥିଲେ । ଘରଲୋକ ଖବର ପାଇ ଆମ୍ବୁଲାନ୍ସକୁ ଯୋଗାଯୋଗ କରିଥିଲେ । ତେବେ ଆମ୍ବୁଲାନ୍ସ ପହଞ୍ଚିବା ବେଳକୁ ୩ଜଣଙ୍କର ମୃତ୍ୟୁ ହୋଇସାରିଥିଲା । ମୃତକ ମାନେ ହେଲେ କାଳୀଚରଣ ନାଏକଙ୍କ ପୁଅ ବାବଲୁ(୧୪), ରାଧାକାନ୍ତ ନାଏକଙ୍କ ପୁଅ ସୁଜିତ(୧୪) ଓ ଜଗନ୍ନାଥ ନାଏକଙ୍କ ଝିଅ ବର୍ଷା(୧୨) । ସମସ୍ତେ ସମ୍ପର୍କୀୟ । ଏଥି ସହିତ ଘଟଣା ସ୍ଥଳରେ ୨୦ରୁ ଉର୍ଦ୍ଧ୍ବ ଛେଳି ମଧ୍ୟ ମୃତ୍ୟୁବରଣ କରିଥିବା ସୂଚନା ମିଳିଛି ।
https://www.thesakala.in/latest-odisha-news/3-died-in-lightning-strike-2/article-3728
About The Author
