ମନୋରଞ୍ଜନ
27 Nov 2025
By Madhusudan Das
ସେୟାର ମାର୍କେଟରେ ଟ୍ରେଡିଂ ନାଁରେ ୨୦ କୋଟି ଟଙ୍କା ଠକେଇ, ଜଣେ ଗିରଫ
ସମ୍ବଲପୁର: ଟ୍ରେଡିଂ ନାଁରେ ୨୦ କୋଟି ଟଙ୍କା ଠକେଇ । ସେୟାର ମାର୍କେଟରେ ଟ୍ରେଡିଂ ନାଁରେ ମହାଠକେଇର ପର୍ଦ୍ଦାଫାସ୍ କରିଛି ପୋଲିସ । ସଦର ଥାନା ଅଂଚଳରେ ୨୦ କୋଟି ଟଙ୍କା ଠକେଇ ହୋଇଥିବା ସୂଚନା ଦେଲେ ସମ୍ବଲପୁର ଏସ ପି । ଠକେଇ ଅଭିଯୋଗରେ ଜଣକୁ ଗିରଫ କରିଛି ପୋଲିସ । ୨୦ କୋଟି ଟଙ୍କା ଷ୍ଟକ୍ ମାର୍କେଟ ନାଁରେ କରିଥିଲେ ଠକେଇ । ୪୭ ଜଣଙ୍କ ଠାରୁ ଠକେଇ ହୋଇଥିବା ସୂଚନା । ମାସିକ ୧୦ ପ୍ରତିଶତ ରିଟର୍ଣ୍ଣ ଲୋଭ ଦେଖାଇ ଟଙ୍କା ସଂଗ୍ରହ ହୋଇଥିଲା । ଗିରଫ ଯୁବକ ସମ୍ବଲପୁରର ବୋଲି ଜଣାପଡିଛି । ଭଡ଼ା ଘର ନେଇ ଅଫିସ୍ ଚଳାଇଥିଲା ଅଭିଯୁକ୍ତ । ଅଫିସରୁ ୫ଟି କଂପ୍ୟୁଟର, ହାର୍ଡଡିସ୍କ, ପ୍ରିଣ୍ଟର ସହ ଡକ୍ୟୁମେଣ୍ଟ ଜବତ କରିଛି ପୋଲିସ । ଦୁଇ ଲକ୍ଷରୁ ୫୦ ଲକ୍ଷ ଟଙ୍କା ପର୍ଯ୍ୟନ୍ତ ବିନିଯୋଗ କରୁଥିଲେ ଗ୍ରାହକ । ଷ୍ଟକ୍ ମାର୍କେଟରେ ମିଛ ପ୍ରଲୋଭନ ଦେଖାଇ ବଡ଼ ଧରଣର ଲୁଟ୍ ହୋଇଥିବା ନେଇ ଅଭିଯୋଗ । ମୁଖ୍ୟ ଅଭିଯୁକ୍ତକୁ ସମ୍ବଲପୁର ପୋଲିସ ରିମାଣ୍ଡରେ ଆଣିବ ବୋଲି ସୂଚନା ମିଳିଛି ।
https://www.thesakala.in/latest-odisha-news/20-crore-rupees-fraud-in-the-name-of-trading-in-share-market/article-43307
About The Author
