ରାମଲୀଳା ମଇଦାନରୁ ମୋଦୀଙ୍କୁ ଟାର୍ଗେଟ କଲେ ରାହୁଲ, କହିଲେ-ଦେଶରେ ଘୃଣା ଓ ଭୟର ବାତାବରଣ ସୃଷ୍ଟି କରୁଛି ମୋଦୀ ସରକାର

ନୂଆଦିଲ୍ଲୀ : ଦରବୃଦ୍ଧି ଓ ବେକାରୀ ସମସ୍ୟା ବିରୋଧରେ ଦିଲ୍ଲୀର ରାମଲୀଳା ମଇଦାନରେ କଂଗ୍ରେସର ହଲ୍ଲାବୋଲ୍ ରାଲିରେ ଦଳର ନେତା ରାହୁଲ ଗାନ୍ଧୀ କେନ୍ଦ୍ର ସରକାର ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପରେ ବର୍ଷିଛନ୍ତି । କେନ୍ଦ୍ରର ବିଜେପି ସରକାର ଦେଶରେ ଘୃଣା ଓ ଭୟର ବାତାବରଣ ସୃଷ୍ଟି କରିଛି ବୋଲି ରାହୁଲ ଅଭିଯୋଗ କରିଛନ୍ତି ।

“ଘୃଣା ଲୋକଙ୍କୁ ବିଭକ୍ତ କରେ, ଦେଶକୁ ବିଭାଜନ କରେ, ଦେଶ ଦୁର୍ବଳ ହୁଏ। ବିଜେପି-ସଂଘ ନେତାମାନେ ଦେଶକୁ ବିଭକ୍ତ କରନ୍ତି । ଜାଣିଶୁଣି ଦେଶରେ ଭୟ ସୃଷ୍ଟି କରନ୍ତି, ଘୃଣା ସୃଷ୍ଟି କରନ୍ତି। ଭାରତରେ ଭୟ ବଢ଼ୁଛି। ଭବିଷ୍ୟତର ଭୟ, ମୁଦ୍ରାସ୍ଫୀତି ଭୟ, ବେକାରୀ ଭୟ ଏହି ଭୟ ବଢ଼ିବାରେ ଲାଗିଛି । ଏଥି ଯୋଗୁଁ ଭାରତରେ ଘୃଣା ବୃଦ୍ଧି ପାଉଛି ବୋଲି ରାହୁଲ କହିଛନ୍ତି ।

ନରେନ୍ଦ୍ର ମୋଦୀ ଜୀ ଭାରତରେ ଘୃଣାର ପ୍ରସାର କରୁଛନ୍ତି। ଏହା ଦ୍ବାରା ଦେଶର ଶତ୍ରୁମାନଙ୍କୁ ଲାଭ ମିଳିବ, ଚୀନ୍, ପାକିସ୍ତାନ ମଧ୍ୟ ଉପକୃତ ହେବ। ଭାରତରେ ଯେତେ ଘୃଣା ଓ ଭୟ ବଢ଼ିବ, ଭାରତ ସେତେ ଦୁର୍ବଳ ହେବ। ଗତ ୮ ବର୍ଷ ଧରି ମୋଦୀଜୀ ଦେଶକୁ ଶେଷ କରିବା ପାଇଁ କାର୍ଯ୍ୟ କରିଛନ୍ତି ବୋଲି ରାହୁଲ କହିଛନ୍ତି।

ରାଲିରେ ସିଧାସଳଖ ପ୍ରଧାନମନ୍ତ୍ରୀ ମୋଦୀଙ୍କ ନାମ ନେଇ ରାହୁଲ ଗାନ୍ଧୀ କହିଛନ୍ତି ଯେ ସେ ଦେଶରେ ଘୃଣା ବିସ୍ତାର କରୁଛନ୍ତି । ଏହା ଆମ ଦେଶର ଶତ୍ରୁମାନଙ୍କୁ ଉପକୃତ କରିବ । ସେ କହିଛନ୍ତି ଯେ ବିଜେପି ଓ ଆରଏସଏସ ମିଳିତ ଭାବେ ଦେଶରେ ଭୟ ଓ ଘୃଣାର ବାତାବରଣ ସୃଷ୍ଟି କରୁଛନ୍ତି ।ଭାରତରେ ଯେତେ ଘୃଣା ଓ ଭୟ ବଢ଼ିବ, ଭାରତ ସେତେ ଦୁର୍ବଳ ହେବ। ଗତ ୮ ବର୍ଷ ଧରି ମୋଦୀଜୀ ଦେଶକୁ ଶେଷ କରିବା ପାଇଁ କାର୍ଯ୍ୟ କରିଆସୁଛନ୍ତି। ରାହୁଲ ଗାନ୍ଧୀ କହିଛନ୍ତି ଯେ ଯିଏ ମୋଦିଙ୍କ ବିରୋଧରେ କଥା ହୁଅନ୍ତି ତାଙ୍କୁ ୫୫ ଘଣ୍ଟା ପାଇଁ ଇଡି ଅଫିସରେ ବସିବାକୁ ପଡିବ । କିନ୍ତୁ ମୁଁ ପ୍ରଧାନମନ୍ତ୍ରୀଙ୍କୁ କହିବାକୁ ଚାହେଁ ଯେ ମୁଁ ଇଡିକୁ ଭୟ କରେ ନାହିଁ ।

ରାହୁଲ ଗାନ୍ଧୀ ଆହୁରି ମଧ୍ୟ କହିଛନ୍ତି, “ଆଜିକାଲି ବିରୋଧୀଙ୍କ ସ୍ୱର ଉତ୍ତୋଳନ କରିବା କଷ୍ଟକର ହୋଇପଡିଛି । ମୋଦି ସରକାର ଆମକୁ ସଂସଦରେ କଥା ହେବାକୁ ଦିଅନ୍ତି ନାହିଁ । ରାହୁଲ ଗାନ୍ଧୀ କହିଛନ୍ତି ଯେ ମୁଦ୍ରାସ୍ଫୀତି ଓ ବେକାରୀ ବୃଦ୍ଧି ପାଉଛି ଏବଂ ଏହା ଘୃଣା ଯୋଗୁଁ ମଧ୍ୟ ବୃଦ୍ଧି ପାଉଛି । ଏହା ଦେଶକୁ ଦୁର୍ବଳ କରୁଛି ।